જાહેરાત / ક્રિકેટરસિકોની આતુરતાનો અંત: ICCએ જાહેર કરી વર્લ્ડ ટેસ્ટ ચેમ્પિયનની ફાઇનલ ડેટ

• ICCની મોટી જાહેરાત
• વર્લ્ડ ટેસ્ટ ચેમ્પિયનશિપના ફાઈનલની તારીખ કરાઈ જાહેર
• આ મોટી ચેમ્પિયનશિપ ઈંગ્લેન્ડના ઓવલ મેદાનમાં રમાશે

વર્લ્ડ ટેસ્ટ ચેમ્પિયનશિપના ફાઈનલની તારીખો સામે આવી

વિશ્વભરના ક્રિકેટ પ્રેમીઓ લાંબા સમયથી વર્લ્ડ ટેસ્ટ ચેમ્પિયનશિપની ફાઈનલની તારીખોની રાહ જોઈ રહ્યાં હતા. આ મોટી ચેમ્પિયનશિપ ઈંગ્લેન્ડના ઓવલ મેદાનમાં રમાશે. આઈસીસીએ બુધવારે તારીખની જાહેરાત કરી દીધી છે. મહત્વનું છે કે વર્લ્ડ ટેસ્ટ ચેમ્પિયનશિપની ફાઈનલ જૂનના પહેલા અઠવાડિયામાં રમાશે. 

આઈસીસીએ કરી મોટી જાહેરાત 

આઈસીસી વિશ્વ ટેસ્ટ ચેમ્પિયનશિપની બીજી સિઝનની ફાઈનલ 7 થી 11 જૂન સુધી ધ ઓવલ, લંડનમાં 12 જૂને રમાશે. ગયા વર્ષે ન્યુઝીલેન્ડે સાઉથેમ્પ્ટનમાં 2021ની ફાઈનલમાં ભારતને આઠ વિકેટથી હરાવીને સૌથી પહેલા ખિતાબ જીત્યો હતો. હાલમાં ઓસ્ટ્રેલિયા 75.56 પોઈન્ટ ટકા સાથે પોઈન્ટ સૂચિમાં નંબર વન પર છે અને તેને ક્વોલિફાઈ કરવાની તક સૌથી વધુ છે. ત્યારબાદ ભારતનો નંબર આવે છે જેના 58.93 પોઈન્ટ છે. બંને ટીમો 9 ફેબ્રુઆરીથી નાગપુરમાં શરૂ થનારી ચાર મેચની ટેસ્ટ શ્રેણીમાં આમને-સામને ટકરાશે. આ સીરીઝ દ્વારા ફાઈનલ રમનારી બે ટીમોનો નિર્ણય કરી શકાય છે. 

Mark your calendars 🗓

The dates for the ICC World Test Championship Final later this year have been revealed 🤩#WTC23https://t.co/gOJcoWVc58

— ICC (@ICC) February 8, 2023

વર્લ્ડ ટેસ્ટ ચેમ્પિયનશિપનુ બાકીનુ શેડ્યુલ:

ભારત-ઓસ્ટ્રેલિયા (પહેલી ટેસ્ટ)- નાગપુર, ભારત, 9-13 ફેબ્રુઆરી
ભારત-ઓસ્ટ્રેલિયા (બીજી ટેસ્ટ)- દિલ્હી, ભારત, 17-21 ફેબ્રુઆરી
ભારત-ઓસ્ટ્રેલિયા (ત્રીજી ટેસ્ટ)- ધર્મશાળા, ભારત, 1-5 માર્ચ
ભારત-ઓસ્ટ્રેલિયા (ચોથી ટેસ્ટ)- અમદાવાદ, ભારત, 9-13 માર્ચ
દક્ષિણ આફ્રિકા-વેસ્ટ ઈન્ડીઝ (પહેલી ટેસ્ટ)- સેન્ચ્યુરિયન, દક્ષિણ આફ્રિકા, 28 ફેબ્રુઆરી-4 માર્ચ
દક્ષિણ આફ્રિકા-વેસ્ટ ઈન્ડીઝ (બીજી ટેસ્ટ)- જોહાન્સબર્ગ, દક્ષિણ આફ્રિકા, 8-12 માર્ચ
ન્યુઝીલેન્ડ-શ્રીલંકા (પહેલી ટેસ્ટ)- ક્રાઈસ્ટચર્ચ, ન્યુઝીલેન્ડ, 9-13 માર્ચ
ન્યુઝીલેન્ડ-શ્રીલંકા (બીજી ટેસ્ટ)- વેલિંગ્ટન, ન્યુઝીલેન્ડ, 17-21 માર્ચ