અમેરિકામાં ગર્ભપાતના નવા કાયદાની સામે મહિલાઓએ ઉગ્ર વિરોધ પ્રદર્શન શરુ કર્યું છે અને શારીરિક સંબંધ બાંધવાનો પણ ખુલ્લો ઈન્કાર કરી દીધો છે.
અમેરિકામાં ગર્ભપાતના કાયદાની સામે મહિલાઓનું ઉગ્ર વિરોધ પ્રદર્શન
પુરુષો સાથે શારીરિક સંબંધ બાંધવાનો મહિલાઓનો ઈન્કાર
મહિલાઓએ કરી સેક્સ સ્ટ્રાઈક
મહિલાઓ બોલી- જ્યાં સુધી ગર્ભપાતનો અધિકાર નહીં મળે ત્યાં સંબંધ નહીં બાંધીશું
અમેરિકી સરકારે લાગુ પાડ્યો છે ગર્ભપાતનો નવો કાયદો
અમેરિકન મહિલાઓ પુરુષો સાથે સેક્સ નહીં કરવાની ધમકી આપી રહી છે. તેઓ "સેક્સ સ્ટ્રાઇક" વિશે વાત કરી રહ્યા છે. વાસ્તવમાં અમેરિકામાં ગર્ભપાતને લઈને સુપ્રીમ કોર્ટના નિર્ણયનો ઘણો વિરોધ થઈ રહ્યો છે. કોર્ટના આ નિર્ણયથી મહિલાઓના ગર્ભપાતના અધિકાર ખતમ થઈ જાય છે, 26 રાજ્યોને ગર્ભપાત પર પ્રતિબંધ લગાવવાની મંજૂરી આપવામાં આવી છે.
સોશિયલ મીડિયા પર શરુ થઈ સેક્સ સ્ટ્રાઈકની માગ
મહિલાઓ પુરુષોને ગર્ભપાતનો અધિકાર સંઘીય કાયદો ન બને ત્યાં સુધી સેક્સ ટાળવાનું કહી રહી છે. સોશિયલ મીડિયા પર દેશભરમાં સેક્સ સ્ટ્રાઇકની માંગ જોર પકડી રહી છે. એક ટ્વિટર યુઝરે લખ્યું, અમેરિકાની મહિલાઓને આ પ્રસ્તાવ કરવા દો, કારણ કે અમે અનપેક્ષિત ગર્ભાવસ્થા પરવડી શકે તેમ નથી. તેથી અમે કોઈ પણ પુરુષ સાથે, તેના પતિ સાથે પણ સેક્સ નહીં કરીએ. જ્યાં સુધી આપણે ગર્ભવતી થવા માંગતા નથી.
સોશિયલ મીડિયા પર #SexStrike અને #abstinence ટ્રેન્ડ થયો
સોશિયલ મીડિયા પર #SexStrike અને #abstinence ટ્રેન્ડ શરુ થયો છે. એક યુઝરે કહ્યું કે, "હું ન્યૂયોર્કમાં રહું છું અને સુપ્રીમ કોર્ટના નિર્ણયની વિરુદ્ધ છું. હું એવા લોકોને શોધી રહ્યો છું જે સેક્સ સ્ટ્રાઇકને ટેકો આપી રહ્યા છે. એ જ આપણી તાકાત છે. ગર્ભપાતનો અધિકાર એ છે કે જ્યાં સુધી તે સંઘીય કાયદો ન બને ત્યાં સુધી સેક્સ ન કરવું. ટ્વીટર પર #SexStrike સાથે #abstinence પણ ટ્રેન્ડ કરી રહી છે. અન્ય એક મહિલાએ દેશવ્યાપી સેક્સ સ્ટ્રાઇકની માગણી કરતાં કહ્યું હતું કે, "જ્યાં સુધી મહિલાઓને ગર્ભપાતનો અધિકાર નહીં મળે ત્યાં સુધી તેઓ પુરુષો સાથે સંબંધ નહીં બાંધે.
અમેરિકી સરકારે લાગુ પાડ્યો ગર્ભપાતનો કાયદો
ઉલ્લેખનીય છે કે અમેરિકાની બાયડન સરકારે ગર્ભપાતનો એક નવો કાયદો લાગુ પાડ્યો જેના વિરોધમાં મહિલાઓમાં ઉગ્ર અસંતોષ ફાટી નીકળ્યો છે અને મહિલાઓ તેને પાછા ખેંચવાની માગ કરી રહી છે.