કર્ણાટક પ્રદેશ પ્રમુખ શિવકુમારે મોટા સંકેતો આપતાં જણાવ્યું હતું કે, પ્રિયંકા ગાંધી આગામી ટૂંક સમયમાં રાજ્યસભામાં એન્ટ્રી થઈ શકે છે.
પ્રિયંકા ગાંધીની રાજ્યસભામાં થશે એન્ટ્રી
કર્ણાટક પ્રદેશ પ્રમુખ શિવકુમારે આપ્યા સંકેત
પ્રિયંકા ગાંધીને કર્ણાટકમાંથી મોકલાશે રાજ્યસભા
પ્રિયંકા ગાંધીની રાજ્યસભામાં થઇ શકે છે એન્ટ્રી
કર્ણાટક કોંગ્રેસ આગામી વર્ષે યોજાનારી વિધાનસભાની ચૂંટણી પહેલા કોંગ્રેસ પાર્ટીને પ્રોત્સાહન આપવા માટે કર્ણાટકમાંથી પ્રિયંકા ગાંધી વાડ્રાને રાજ્યસભા માટે મેદાનમાં ઉતારવાની વિચારણા કરી રહી છે. કોંગ્રેસના સૂત્રોએ પુષ્ટિ આપી કે તેના રાજ્ય એકમના વડા ડી.કે. શિવકુમાર અને વિપક્ષના નેતા સિદ્ધારમૈયા આ મામલે પ્રિયંકા ગાંધીનો સંપર્ક કરી ચૂક્યા છે. તેમણે કોંગ્રેસના નેતાને કથિત રીતે સમજાવ્યું છે કે તેમની દાદી સ્વર્ગસ્થ ઈન્દિરા ગાંધી અને માતા સોનિયા ગાંધી અગાઉ કર્ણાટકમાંથી ચૂંટણી લડ્યા હતા અને જીત્યા હતા.
કર્ણાટક પ્રદેશ પ્રમુખ શિવકુમારે આપ્યા સંકેત
મહત્વનું છે કે, આ અંગે કર્ણાટક કોંગ્રેસ પ્રમુખ શિવકુમારે જણાવ્યું હતું કે, આગામી વર્ષે કર્ણાટકમાં યોજાનારી વિધાનસભાની ચૂંટણી પહેલા કોંગ્રેસ પાર્ટી પ્રિયંકા ગાંધીને રાજ્યસભા ચૂંટણી માટે ઉતારી શકે છે. મહત્વનું છે કે, કર્ણાટકમાં આગમી 10 જુને 57 બેઠકો પર રાજ્યસભાની ચૂંટણી યોજાવાની છે ત્યારે કર્ણાટકના પ્રદેશ પ્રમુખ શિવકુમારે પ્રિયંકા ગાંધીનો રાજ્યસભામાં એન્ટ્રીને લઈને મોટા સંકેત આપ્યાં છે.
ઇન્દિરા ગાંધી અને સોનિયા ગાંધી પણ કર્ણાટકથી ચૂંટણી લડી ચુક્યા છે
ઉલ્લેખનીય છે કે, ઈન્દિરા ગાંધી 1978માં ચિક્કામગાલુરુથી ચૂંટણી લડ્યા હતા, જ્યારે સોનિયા ગાંધી 1999માં બેલ્લારીથી ચૂંટણી લડ્યા હતા. રાજ્યના રાજકીય ક્ષેત્રે તેમનું આગમન ચૂંટણી પરિણામોની દ્રષ્ટિએ કોંગ્રેસ માટે સારું કામ કર્યું હતું. એટલા માટે કોંગ્રેસ હવે પ્રિયંકા ગાંધીને રાજ્યસભા માટે મેદાનમાં ઉતારવા માંગે છે. કોંગ્રેસના સૂત્રોએ જણાવ્યું કે પ્રિયંકા ગાંધીએ પાર્ટીના વરિષ્ઠ નેતાઓ સાથે ચર્ચા કર્યા બાદ આ મુદ્દે નિર્ણય લેવાની ખાતરી આપી છે.