શરમજનક / મોટા ઘરના ખોટા દીકરા! નાઈટ લાઈફમાં કરતા હતા પ્ત્નીઓની અદલાબદલી, મહિલા પહોંચી પોલીસ સ્ટેશન

• ધનાઢ્ય પરિવારની પરિણીતાએ પતિ વિરુદ્ધ ‘સ્વેપિંગ’ની ફરિયાદ નોંધાવી
• પતિ પુત્રને શાળાએથી બારોબાર કાકા સસરાને ત્યાં લઈ ગયો અને આપી ધમકી
• સમાધાન છતાં પતિએ અન્ય યુવતી સાથે સંબંધ ચાલુ રાખ્યા હતા

શહેરના મકરબા વિસ્તારમાં રહેતી પરિણીતાએ ફરિયાદમાં જણાવ્યા અનુસાર લગ્નનાં ૧૪ વર્ષ સુધી તેના પતિએ તેને સારી રીતે રાખી હતી. વર્ષ ૨૦૧૭માં તેના પતિને અન્ય યુવતી સાથે સંબંધ હોવાનો ભાંડો ફૂટતાં જ પતિ-પત્ની  વચ્ચે ઝઘડો શરૂ થયો હતા. બંને વચ્ચે મનમેળ ઓછો થવા લાગ્યો હતો. એટલું જ નહીં, પરિણીતાનાે પતિ તેને અન્ય એક વ્યક્તિ સાથે સ્વેપિંગ માટે દબાણ કરતો હતો. પરિણીતા જ્યારે ના પાડતી તો તેની સાથે ઝઘડો કરીને તેને ચારિત્ર્યહીન કહીને ત્રાસ આપીને ઘરમાંથી કાઢી મૂકવાનું કહેતો હતો.

પતિ પુત્રને શાળાએથી બારોબાર કાકા સસરાને ત્યાં લઈ ગયો અને આપી ધમકી

આ અંગેની જાણ પરિણીતાએ  તેના ભાઈને કરતાં પતિએ ફરી આવી રીતે હેરાનગતિ નહીં કરે તેવી બાંયધરી આપી હતી. જોકે, પતિ સુધર્યો ન હતો અને અન્ય યુવતી સાથે સંબંધ રાખીને ઝઘડા કરતો હતો. તેમના સાત વર્ષના પુત્રને શાળાએથી બારોબાર કાકા સસરાને ત્યાં લઈ ગયો હતો. પરિણીતા તેના પુત્રને લેવા માટે ગઈ તો ધમકી આપી હતી કે તું છૂટાછેડા આપે તો જ તારો દીકરો તને મળશે. મોડી રાત્રે મહિલાને તેનો દીકરો પરત આપ્યો હતો. 

સમાધાન છતાં પતિએ અન્ય યુવતી સાથે સંબંધ ચાલુ રાખ્યા હતા

મહિલાએ આ બાબતની જાણ તેના પિતાને કરતાં પિતા, ભાઈ તેમજ અન્ય સગાંઓએ મહિલાના પતિ અને સાસરિયાં સાથે બેઠક કરીને પહેલા થયેલા ઝઘડાને ભૂલી જઈને ભવિષ્યમાં કોઈ ઝઘડો કરશે નહીં તે માટે સમાધાન કરી લખાણ કર્યું હતું. છતાં પણ તેના પતિએ અન્ય યુવતી સાથે સંબંધ ચાલુ રાખ્યા હતા. તેના સાસુ-સસરા પણ પરિણીતાને છૂટાછેડા આપીને દીકરો લઈ પિયર જતા રહેવા માટે દબાણ કરતાં હતાં. પરિણીતા તેના રસોડામાં રસોઈ બનાવવા માટે જાય તો તેનાં સાસુ-સસરા તેને બહાર કાઢી મૂકતાં હતાં અને કહેતા કે અમે લાવેલી વસ્તુઓ ખાવા-પીવા નહીં મળે. ઘરના નોકરોને પણ પરિણીતાની વાત સાંભળાવની ના કહી હતી.