ક્રાઈમ / જૂનાગઢમાં પત્નીએ પતિને મારવા રચ્યું કાવતરું પણ સાથે મિત્રએ પાણી પી લેતા જે થયું તે જાણી ચોંકી જશો

• જૂનાગઢમાં રફિક, ભરતનું પીણું પીધા બાદ મોત થયાના કેસમાં ખુલાસો
• રફિકની પત્નીએ જ પ્રેમી સાથે મળી રફિકને મારવા સાઇનાઇડ ભેળવ્યું 
• રફિક બાદ મિત્ર ભરતે પણ બોટલમાંથી પ્રવાહી પીતા તેનું પણ થયું મોત 

જૂનાગઢમાં રફિક અને ભરતના પીણું પીધા બાદ મોત થયાના કેસમાં ખુલાસો થયો છે. જેમાં રફિકની પત્નીએ જ પ્રેમી સાથે મળી રફિક ઘોઘારીને મારવા સાઇનાઇડ ભેળવ્યું હતું. રફિક ઘોઘારી બેભાન થઇ જતા તેના મિત્ર ભરતે પણ બોટલમાંથી પ્રવાહી પીતા તેનું પણ મોત થયું હતું. રફિકની પત્નીની પૂછપરછ કરતા પોલીસને ચોંકાવનારી વિગતો પાપ્ત થઈ હતી. મૃતક રફીક ઘોઘારીની પત્ની મેમુદાએ આપેલી વિગતો પરથી આસીફ રજાકની પૂછરપરછ હાથ ધરવામાં આવી હતી અને આસિફને રફીકની પત્ની મેમુદા સાથે પ્રેમ સબંધ હોવાથી રફીકને મારવાનું કાવતરૂ ઘડ્યું હતું. રફિકની પત્ની મેમુદા સાથે લગ્ન કરવા આસિફ માગતો હતો. રફિકની હત્યા પ્રકરણમાં મેમુદા,આસિફ અને તેના મિત્ર ઇમરાનની પોલીસે ધરપકડ કરી છે.

જૂનાગઢમાં પત્નીએ પતિને મારવા રચ્યું કાવતરું
જૂનાગઢના ગાંધી ચોકમાં રફિક અને ભરતના પીણું પીધા બાદ મોતનો મામલો જૂનાગઢમાં ચર્ચાનું કેન્દ્ર બન્યો હતો અને જે બાબતે પોલીસે ચક્રોગતિમાન કરી વિગતો પાપ્ત કરી હતી. બાદમાં મૃતક રફીક ઘોઘારીની પત્ની મેમુદાની પૂછપરછ કરતા આસિફ અને તેના સંબંધની વિગતોમાં પોલ ખુલી હતી. આ બાબતે આસિફની પૂછપરછ શરુ કરતા આસિફે કબુલ્યું હતું રફીકની પત્ની મેમુદા સાથે તેને પ્રેમ સબંધ હોય બન્ને શાદી કરવા માંગતા હોવાથી રફીકની હત્યાનું કાવતરું ઘડ્યું હતું 

પોલીસે આરોપીઓની કરી ધરપકડ 
પોલીસે સમગ્ર બાબતે જીણવટ પૂર્વક તપાસ કર્યા બાદ રફીકની હત્યા પ્રકરણમાં મેમુદા ઉપરાંત તેના પ્રેમી આસિફ અને તેના મિત્ર ઈમરાનની ધરપકડ કરી છે.