દક્ષિણ ગુજરાતમાં કોનો રહેશે દબદબો; 2017માં સુરતની 16માંથી 15 બેઠકો ભાજપે જીતી હતી તો માંડવી, વ્યારા, નિર્ઝર અને વાંસદા બેઠક પર કોંગ્રેસ મજબુત
દક્ષિણ ગુજરાતમાં કોનો રહેશે દબદબો
2017માં સુરતની 16માંથી 15 બેઠકો ભાજપે જીતી હતી
માંડવી, વ્યારા, નિર્ઝર અને વાંસદા બેઠક પર કોંગ્રેસનો દબદબો
ગુજરાતમાં વિધાનસભા ચૂંટણીને લઈ રાજકીય પક્ષો દ્વારા પ્રચંડ પ્રચાર ચાલી રહ્યો છે. ભાજપ સત્તા વાપસી માટે તનતોડ મહેનત કરી રહી છે તો બીજી તરફ કોંગ્રેસ ગત ચૂંટણીમાં 77 પર અટકી ગઈ હતી જેને લઈ આ વખતે સારો પ્રદર્શન કરી અને સત્તામાં બેસવા માગે છે તો વળી આમ આદમી પાર્ટી તેની એન્ટ્રીની સાથે જ સોફા બાજી સુધી પહોંચી જવા માગે છે. આ ચૂંટણીમાં રાજ્યમાં ત્રિપાંખિયો જંગ જામ્યો છે. દક્ષિણ ગુજરાતમાં ગત ચૂંટણીમાં ભાજપ માટે સારો સાબિત થયો હતો. પાટીદાર ફેક્ટર હોવા ભાજપે દક્ષિણ ગુજરાતમાંથી સારી સીટો મળી હતી.
દક્ષિણ ગુજરાતમાં કોનો દબદબો
દક્ષિણ ગુજરાતના સુરતમાં ત્રિપાંખિયો જંગ જામ્યો છે અને જ્યાં પાટીદર મતદારો ધરાવતી છ બેઠકો છે. કામરેજ, સુરત ઉત્તર, ઓલપાડ અને કરંજ જ્યાં ભાજપ, કોંગ્રેસ અને આમ આદમી પાર્ટી વચ્ચે જંગ જામ્યો છે. જેમાંથી ત્રણ બેઠકો પર રાજકીય જંગ રોમાંચક જામ્યો છે કામરેજ, વરાછા અને ઓલપાડ બેઠક પર રસાકસી વધુ છે એવું માનવામાં આવે છે કે, આ બેઠક પરથી જે પણ જીતશે તે નાની સરસાઈથી જીતશે. તેમજ કતારગામ, સુરત ઉત્તર અને કરંજ બેઠક પર પાટીદાર મતદારા વધુ છે. સુરત પૂર્વની વાત કરીએ તો ત્યા આપના ઉમેદાવર પીછે હઠ કર્યો પછી ભાજપની પક્કડ મજુબત થઈ છે. લિંબાયત બેઠકની વાત કરીએ તો ત્યા 90 હજાર મુસ્લિમ મતદાર છે પરંતુ 33 મુસ્લિમ અપક્ષ ઉમેદવાર પણ ચૂંટણી લડી રહ્યાં છે જે બધા જ સમીકરણો બગાડશે અને જ્યાં ભાજપને સારો લાભ થશે. સુરત પશ્ચિમ, ઉધના અને મજુરા વિધાનસભા બેઠકની વાત કરીએ તો તે ભાજપનો ગઢ ગણાય છે.
સુરતમાં કોની મજબુત પક્કડ
સુરતના મહુવા બેઠક પર ભાજપ નેતા મોહન ઢોડિયા ફરીથી મેદાને ઉતર્યા છે તો કોંગ્રેસે હેમાંગી ગરાસિયાને રાજકીય મેદાને ઉતાર્યા છે જેનાથી આ બેઠક કાંટેકી ટક્કર સમાન ગણાઈ રહી છે. બોરડલી બેઠક પર ભાજપના જ બળખોર ધારાસભ્ય મેદાને ઉતર્યા છે જેનાથી ભાજપને નુકસાન થઈ શકે છે. નવસારી,ગણદેવી, જલાલપોર બેઠકની વાત કરીએ ભાજપની અહીં સારી સ્થિતિની ચર્ચા થઈ રહી છે તો ડાંગમાં ગત ચૂંટણીમાં લીડ સાથે ભાજપ વિજય થયો હતો. 2017ની વાત કરીએ તો ભાજપની દક્ષિણ ગુજરાતમાં સારી પક્કડ રહી હતી જ્યારે ત્રણથી ચાર બેઠકો પર જીત હાંસલ કરી હતી.
2017માં શું સ્થિતિ રહી
ગત ચૂંટણીમાં દક્ષિણ ગુજરાતના આદિવાસી વિસ્તારમાં કોંગ્રેસે માત્ર ચાર બેઠકો જ જીતી હતી. નિર્ઝર, માંડવી અને વાસંદા બેઠક પર કોંગ્રેસના દબદબો ભારે છે જ્યાં ભાજપ જીતવા અનેક પ્રયાસો કરી રહી છે પરંતુ કોંગ્રેસના પલડું ભારે જણાઈ રહ્યું છે. ભાજપે ઉમેદાવરો પણ બદલ્યા છે છતા અહીં ભાજપને જીતવું મુશ્કેલી ભર્યું છે. વલસાડની કપરાડા બેઠક પણ કોંગ્રેસના હાથમાંથી સરકી શકે છે. ગત ચૂંટણીમાં કપરાડા બેઠક કોંગ્રેસમાંથી પક્ષપલટો કરી ભાજપમાં આવેલા જીતુ ચૌધરી નાના માર્જિનથી જીત્યા હતા. આ ચૂંટણીમાં માંડવી, વ્યારા, નિર્ઝર અને વાંસદા બેઠક પર કોંગ્રેસની સ્થિતિ મજબૂત જણાઈ રહી છે.