શુકનિયાળ ? / રસ્તે જતા અચાનક જ પૈસા મળી આવે તો શું કરવુ ? પૈસા મળવા એ શુભ કે અશુભ ? જાણો વિગત

• રસ્તા પરથી મળી આવેલા પૈસા વપરાય ?
• રસ્તા પરથી પૈસા મળી આવે તે સારુ કે ખરાબ 
• પૈસા મળી આવે તો શું કરવું જોઇએ 

ઘણીવાર એવું બને છે કે આપણે ક્યાંક ચાલતા જતા હોઇએ અને રુપિયા મળી આવે. રસ્તા પર ક્યાંક દસની નોટ કે સિક્કો ઘણી વખત મળી આવે છે. ત્યારે પૈસા જોઇને ચોક્કસથી એમ થાય કે લેવા જોઇએ કે નહી. ઘણી વખત લોકો આ પૈસા ઉપાડે છે અને પછી તેને જરૂરિયાતમંદોને આપી દે છે અથવા મંદિર વગેરેમાં દાન કરી દે છે. ત્યારે જો રસ્તામાં પૈસા મળે તો તે શુભ સંકેત કહેવાય કે અશુભ, આવો જાણીએ 

રસ્તા પર મળેલા પૈસા મહત્વપૂર્ણ સંકેતો આપે છે

• રસ્તા પર પડેલા પૈસા મળવાનો અર્થ છે કે ધનની દેવી લક્ષ્મી તમારા પર પ્રસન્ન છે અને જલ્દી જ તમને આશીર્વાદ આપશે. શક્ય છે કે ટૂંક સમયમાં તમને ક્યાંકથી અચાનક પૈસા મળી જાય.
• એક સંકેત એવો પણ છે કે તમારી કેટલીક મોટી સમસ્યાઓ ટળી ગઈ છે. અને મા લક્ષ્મીની કૃપાથી તમારા જીવનમાં થોડી ઘણી ખુશીઓ આવવાની છે.
• જો તમે કોઈ નવું કામ શરૂ કરવા ઈચ્છો છો અને તે જ સમયે તમને રસ્તા પર એક સિક્કો પડેલો જોવા મળે છે  તો તેનો અર્થ એ છે કે તમે કોઈપણ સંકોચ વિના તમારી યોજનાને અમલમાં મૂકી શકો છો.  તમને ચોક્કસપણે સફળતા મળશે. આ સાથે જૂના આર્થિક સંકટમાંથી મુક્તિ મળવાના સંકેત પણ છે.
• જો તમને ઘરની બહાર નીકળતી વખતે રસ્તામાં કોઈ સિક્કો કે નોટ મળે તો તેનો અર્થ એ છે કે તમે જે કામ માટે જઈ રહ્યા છો તેમાં તમને ચોક્કસ સફળતા મળશે. બીજી બાજુ, જો તમને કામ પરથી ઘરે પાછા ફરતી વખતે પૈસા મળે છે, તો તે ટૂંક સમયમાં મોટો નફો મળવાના સંકેત છે.
• જો રસ્તામાં પૈસાથી ભરેલું પર્સ મળી જાય તો તે મોટા ધનલાભની નિશાની છે. શક્ય છે કે ટૂંક સમયમાં તમને કોઈ મોટી મિલકત અથવા પૈતૃક સંપત્તિ મળી શકે.

પૈસા રાખવા જોઇએ કે નહી

જો પૈસાથી ભરેલું પર્સ મળી આવે અથવા મોટી રકમ મળી આવે તો આવા સમયમાં તે વ્યક્તિને શોધીને તેને પૈસા પરત કરવા જોઇએ. બીજી તરફ આ પૈસા ગરીબને આપી દેવા જોઇએ.  જો કે ઘણીવાર રસ્તામાં સિક્કા કે ચલણી નોટ મળી આવે છે તો તેને તમે તમારી પાસે રાખી શકો છે. તેને ખર્ચ કરવાનું ટાળો. કારણ કે આ પૈસા તમારા પર્સમાં રાખવાથી લકી ચાર્મ સાબિત થઇ શકે છે.