યૂટિલિટી / આ રીતે ઘરે બેઠા જાણો તમારા આધાર કાર્ડનો ક્યાંક ખોટો ઉપયોગ તો નથી થયો ને, સરળ છે પ્રોસેસ

• જાણો આધાર કાર્ડની તમામ માહિતિ
• આ રીતે જાણો ક્યાં અને કેટલી વાર યૂઝ થયું છે આધાર કાર્ડ
• UIDAIની વેબસાઈટ પરથી સરળતાથી જાણી શકાશે વિગત

આધાર કાર્ડને હવે અનેક જગ્યાઓએ મહત્વના ડોક્યૂમેન્ટ તરીકે સામેલ કરાયું છે. આ સમયે અનેક સરકારી કામમાં પણ તેનો ઉપયોગ થઈ રહ્યો છે. તેમાં યૂઝર્સની બાયોમેટ્રિક અને જનસંખ્યાની જાણકારી પણ હોય છે, જો તમને પણ શંકા હોય કે તમારું આધાર કાર્ડ ક્યાંક ખોટી રીતે યૂઝ થઈ રહ્યું નથી ને તો તમે તેને સરળતાથી જાણી શકો છો. હવે UIDAI આ માટે સરળ પ્રોસેસ લાવ્યું છે. જેની મદદથી લોકો ઘરે બેઠા જ જાણી શકશે કે તેમનું આધાર કાર્ડ ક્યાં અને ક્યારે ઉપયોગમાં લેવાયું છે. 

આ રીતે મળશે લાભ

ઉલ્લેખનીય છે કે UIDAIની વેબસાઈટ સર્વિસના આધારે કાર્ડધારક જાણી શકે છે કે તેમના કાર્ડ ક્યારે અને ક્યાં યૂઝ થયા છે. સાઈટ પરથી તમને તમારા કાર્ડના 6 મહિનાના યૂઝની ડિટેલ્સ મળી રહે છે. UIDAIની સાઈટની મદદથી તમે આધાર કાર્ડની 6 મહિનાની હિસ્ટ્રી જાણી શકો છો. આ માટે તમારી પાસે રજિસ્ટર્ડ મોબાઈલ નંબર હોવો જરૂરી છે.

જાણો કેવી રીતે સરળ સ્ટેપ્સથી જોઈ શકાશે ડેટા

 
સૌ પહેલાં તમે UIDAIની વેબસાઈટ uidai.gov.in પર જાઓ અને અહીં ‘My Aadhar’ પર ક્લિક કરો. હવે તમને આધાર સર્વસનું ઓપ્શન મળશે. તેમાં  ‘Aadhar Authentication History’ના ઓપ્શન પર ક્લિક કરો. અહીં તમારા આધાર નંબર અને આપવામાં આવેલો કેપ્ચા કોડ લખો. ફરી એકવાર ઓટીપી તમારા મોબાઈલ નંબર પર મેસેજના રૂપમાં આવશે. ઓટીપી ભર્યા બાદ તમને 2 વિકલ્પ મળશે. તેમાં એક છે  ‘Authentication Type’ જેમાં તમે બાયોમેટ્રિક ડિટેલ્સ મેળવી શકો છો અને અન્ય વિકલ્પ છે ‘Data range’. તેના આધારે તમે એક નક્કી તારીખથી અન્ય કોઈ તારીખની વચ્ચેની જાણકારી મેળવી શકો છો. 

તમારી સામે આવશે ડિટેલ્સ

જ્યારે તમે આ ઓપ્શનમાંથી કોઈ પણ ઓપ્શન સિલેક્ટ કરશો ત્યારે તમારી સ્ક્રીન પર તમારું આધાર કાર્ડ ક્યાં અને કેટલી વાર યૂઝ કરાયું છે તેની ડિટેલ્સ આવી જશે.