ઈંસ્ટન્ટ મેસેજિંગ એપ WhatsAppમાં મોટો ફેરફાર થઈ રહ્યો છે. ઓગસ્ટમાં અમે તમને જણાવ્યું હતું કે કંપનીએ Google સાથે પાર્ટનરશિપ કરી છે. જેના હેઠળ ગૂગલ ડ્રાઈવમાં WhatsAppના ચેટ્સ બેકઅપ ડિફોલ્ટ કરી દેવાયું છે. કંપનીએ એમ પણ કહ્યું કે જો 12 નવેમ્બર સુધી યુઝર્સે તેમના WhatsApp ચેટ્સ બેકઅપને Google ડ્રાઈવ પર રિફ્રેશ ના કર્યું તો તેમની ચેટ હિસ્ટ્રી ડિલીટ થઈ શકે છે. જોકે આ ગંભીર સમસ્યા નથી કારણ કેજો તમે કાયમ બેકઅપ લો છો કે પછી ચેટ્સ તમારા સ્માર્ટફોનમાં છે તો ડિલીટ નહીં થાય.
આ ફીચર તમારા માટે ફાયદાકારક:
Google સાથે કરાયેલી પાર્ટનરશિપ હેઠળ Google Drive પર WhatsApp ચેટ્સનું બેકઅપ રાખવાથી તમને આપેલા સ્પેસમાં કોઈ ઘટાડો નહીં થાય. Google Drive પર WhatsApp ચેટ્સ બેકઅપ રાખવાનો ફાયદો એ છે કે તેને કોઈ પણ સ્માર્ટફોન પર સરળતાથી ઓપન કરી શકાય છે. જો તમે નવો ફોન લીધો છે કે પછી WhatsApp માટે નવા સ્માર્ટફોનનો ઉપયોગ કરી રહ્યા છો એવામાં આ ફીચર તમારા માટે ફાયદાકારક સાબિત થશે.
આ રીતે લો બેકઅપ:
Google Drive પર WhatsAppનો બેકઅપ લેવા માટે તમારા સ્માર્ટફોન Google Drive ને એક્ટિવેટ કરી લો. બેકઅપ બનાવવા માટે WhatsAppના મેઈને મેન્યૂમાં જઈને સેટિંગ્સ પર ટેપ કરો. અહીંયા ચેટનું ઓપ્શન હશે અહીંયા તમે બેકઅપ ટૂ Google Driveસિલેક્ટ કરી શકો છો. અહીંયા બેકઅપ ફ્રિક્વન્સીનો ઓપ્શન મળસે જેને તમે તમારી રીતે પસંદ કરી લો. જે એકાઉન્ટમાં ચેટ્સબેકઅપ સેવ કરવી છે ત્યાં એન્ટર કરો. કંપનીએ યૂઝર્સને બેકઅપ લેતી વખતે ફોનને WiFi સાથે કનેક્ટ કરવાની સલાહ આપી છે. કારણ કે બેકઅપ ફાઈલ્સ સાઈઝમાં અલગ હોય છે અને ડેટા ખપત કરે છે જેનાથી તમને એક્સ્ટ્રા ડેટાના પૈસા લાગી શકે છે.
ઉલ્લેખનીય છે કે WhatsApp ચેટ બેકઅપ સિસ્ટમ બીજી ચેટિંગ એપથી અલગ છે. કારણ કે WhatsAppના ચેટ્સ અને મીડિયા કોઈ ડેટિકેટેડ સર્વિસમાં સ્ટોર થવાના બદલે ફોનમાં જ સ્ટોર થાય છે. એટલા માટે ફોન બદલતી વખતે WhatsAppનો ડેટા બેકઅપ લેવો જરૂરી હોય છે એટલા માટે યુઝર્સને Google Cloudનો સહારો લેવો પડે છે. જોકે iPhoneમાં WhatsApp ડેટા iCloud પર બેકઅપ હોય છે પરંતુ સમાન્ય રીતે લોકોનો ફ્રી ડેટા ઝડપથી પૂરો થઈ જાય છે.