WhatsApp, સ્માર્ટફોનનો ઉપયોગ કરનારા તમામ લોકો આ નામથી વાકેફ હશે. આ દુનિયાભરમાં સૌથી વધારે ઉપયોગમાં લેવામાં આવતી મોબાઇલ એપમાંથી એક છે. દુનિયાભરમાં લગભગ 150 કરોડથી વધારે લોકો WhatsAppના એક્ટિવ યૂઝર છે. ભારત આ એપના સૌથી મોટા માર્કેટમાંથી એક છે. આમ તો દેશમાં બીજી ઘણી ઇન્ટસ્ટન્ટ મેસેજિંગ એપ છે, પરંતુ 20 કરોડથી એક્ટિવ યૂઝર્સની સાથે આ એપ સૌથી વધારે ચર્ચિત છે.
WhatsApp મેસેજિંગ એપ હવે એન્ડ્રોઇડ સ્માર્ટફોન યૂઝર્સ માટે પણ ફિંગરપ્રિન્ટ ઓથેન્ટિકેશન ફિચર લાવવાની તૈયારીમાં છે. આ અગાઉ કંપનીએ iOS યૂઝર્સ માટે આ ફિચર ઉપલબ્ધ કરાવ્યુ છે.
એક મીડિયા રિપોર્ટ મુજબ, WhatsAppએ બીટા વર્ઝન 2.19.83માં ફિંગરપ્રિન્ટ ઓથેન્ટિકેશનનું ફીચર આપવામાં આવ્યું છે. આ અપડેટ બાદ યૂઝર્સ પોતાના WhatsAppના ફિંગરપ્રિન્ટ સ્કેનરથી અનલોક કરી શકશે. જો કે અત્યારે મોટાભાગના એન્ડ્રોઇડ સ્માર્ટફોનમાં એપ લોક કરવાથી આ ફિચર આપવામાં આવ્યું છે. જેનાથી ફિંગરપ્રિન્ટ સ્કેનરથી અનલોક કરી શકાશે, અને યૂઝર્સ આ WhatsApp માટે પણ યૂઝ કરી શકશે.
એન્ડ્રોઇડમાં આપવામાં આવતા WhatsApp માટે આ નવા ફીચરને યૂઝર્સ પ્રાઇવેસી ટેબમાં જઇને અનેબલ કરી શકાય છે. આ iOS જેવા ઓપ્શનમાં દેખાશે એટલે કે તમે ઓપ્શન સેટ કરી શકાશે. એકવાર અનલોક કર્યા બાદ કેટલાક સમય સુઘી યૂઝરને ફિંગરપ્રિન્ટની જરૂર નહીં રહે. તેમાં એક મિનિટ, 10 મિનિટ અને 30 મિનિટ સુધીનો સમય આપવામાં આવે છે.
iOS માટે આપવામાં આવેલ બાયોમેટ્રિક ઓથેન્ટિકેશનવાળા WhatsAppના ફિચરમાં ફકત ટ્ચ આઇડી જ નહીં, પરંતુ ફેસ અનલોક પણ કરી શકશો. પરંતુ હજી સુધી એ વાત સ્પષ્ટ થઇ નથી કે ફેસ અનલોક ફિચર એન્ડ્રોઇડ યૂઝર્સ માટે છે કે નહીં. કારણ કે વધારે એન્ડ્રોઇડ સ્માર્ટફોન્સમાં ફેસ અનલોકનું ફીચર મળે છે. જો કે આ ફીચર આઇફોનના લેવલમાં સિક્યોર નથી.
WhatsApp માહિતી આપતી એક અન્ય મીડિયા રિપોર્ટ મુજબ, કંપનીએ એન્ડ્રોઇડ માટે ડાર્કમોડ આપવાનું શરુ કર્યું છે. આ અત્યારે ડાર્કમોડનું ટેસ્ટિંગ ચાલી રહ્યું છે, આ ફક્ત સેટિંગ્સમાં ડાર્કમોડમાં આપવામાં આવે છે. આશા છે કે તેનું પબ્લિક બીટા જાહેર કરવામાં આવશે અને યૂઝર્સ WhatsAppમાં ડાર્કમોડનો યૂઝ કરી શકે છે.