કોવિડ પાસપોર્ટને એક હેલ્થ પાસ કહેવામાં આવે છે. ગ્લોબલ એરલાઈન્સ લોબી એક મોબાઈલ એપ પર કામ કરી રહી છે જે એક ડિજિટલ પાસપોર્ટની જેમ કામ કરશે. કોરોના વાયરસને ધ્યાનમાં રાખીને આંતરરાષ્ટ્રીય ફ્લાઈટ્સ માટે જલ્દી જ આ કોરોના પાસપોર્ટ લાગૂ કરાશે.
જલ્દી જ લાગૂ થશે કોવિડ પાસપોર્ટ
આંતરરાષ્ટ્રીય ફ્લાઈટ્સ માટે લાગૂ કરાશે આ પાસપોર્ટ
કોવિડ પાસપોર્ટ એક હેલ્થ પાસ ગણાશે
ઈન્ટરનેશનલ એર ટ્રાન્સપોર્ટ એસોશિયેશને એક નિવેદનમાં કહ્યું છે કે તેઓ ઈન્ટરનેશનલ એરલાઈન્સ ગ્રૂપની સાથે મળીને આ રીતની યોજના પર કામ કરી રહી છે. ઉલ્લેખનીય છે કે આ હેલ્થ પાસનું ટ્રાયલ જલ્દી જ શરૂ કરાશે. તેમાં યાત્રીઓને વિદેશથી આવ્યાના 14 દિવસ બાદ ક્વોરેન્ટાઈનની શરતોનું પાલન કરવાની જરૂર રહેશે નહીં. ક્વોરેન્ટાઈનના ડરથી આંતરરાષ્ટ્રિય ઉડાનમાં ઘટાડો થયો છે જેના કારણે દેશ વિદેશની એરલાઈન્સ પર આર્થિક રીતે અસર થઈ રહી છે. તો જાણો શું છે કોવિડ પાસપોર્ટ.
જાણી લો શું છે કોવિડ પાસપોર્ટ અને કઈ રીતે કરશે તમારી મદદ
આ પાસપોર્ટને એક રીતનો હેલ્થ પાસ કહેવામાં આવે છે. ગ્લોબલ એરલાઈન્સ લોબી એક મોબાઈલ એપ પર કામ કરી રહી છે જે એક ડિજિટલ પાસપોર્ટની જેમ કામ કરશે. એપમાં કોવિડ 19નો ટેસ્ટ અને વેક્સીનેશન સર્ટિફિકેટ હશે જેનાથી યાત્રીઓને વિદેશની યાત્રા કરવામાં કોઈ મુશ્કેલીઓનો સામનો કરવો પડશે નહીં. આ સિવાય એપમાં યાત્રીના પાસપોર્ટની એક ઈલેક્ટ્રોનિક કોપી હશે જેનાથી તેની સાચી ઓળખ કરી શકાશે.
નુકસાનમાં ચાલી રહી છે એરલાઈન્સ ઈન્ડસ્ટ્રી
આઈએટીએના આધારે કોવિડ પાસપોર્ટ જલ્દી ટ્રાયલ માટે લવાશે. કોવિડ પાસપોર્ટ એવા સમયે લાવવાની જાહેરાત કરવામાં આવી છે જ્યારે દુનિયામાં કોરોનાની 3 વેક્સીન ફાઈઝર, મોર્ડના અને ઓક્સફર્ડની એસ્ટ્રાજેનેકાના ટ્રાયલની વાત ચાલી રહી છે. મંગળવારે આઈએટીએની એજીએમની મિટીંગમાં 2020માં એરલાઈન્સ ઈન્ડસ્ટ્રીની સમીક્ષા કરાઈ. તેમાં 118.5 બિલિયન ડોલરના નુકસાનનું અનુમાન કરાયું છે. વર્ષ 2021માં 38.7 બિલિયન ડોલરનું નુકસાન થવાનો અંદાજ છે. ઉલ્લેખનીય છે કે 2019ની સરખામણીએ હાલમાં આ ઈન્ડસ્ટ્રી 90 ટકા નુકસાનીમાં ચાલી રહી છે.