IPLIN
 

મેઘમહેરથી ભીંજાયું અમદાવાદ શહેર બપોર બાદ વરસાદે પાડી જમાવટ

Team VTV 06:04 PM, 20 Jul 18 | Updated: 06:54 PM, 30 Mar 19
Follow us
weather-news-and-update-rain-ahmd
અમદાવાદવાસીઓ લાંબા સમયથી વરસાદની રાહ જોઈ રહ્યા હતા. ત્યારે આજે બપોર બાદ શહેરના અનેક વિસ્તારોમાં વરસાદ વરસતા લોકોમાં ખુશીનો માહોલ છવાઈ ગયો છે. શહેરના જજીસ બંગલો એસજી હાઈવે વસ્ત્રાપુર જીવરાજ પાર્ક સેટેલાઈટ સહિતના વિસ્તારોમાં બપોર બાદ ધોધમાર વરસાદ વરસ્યો.
  ધોધમાર વરસાદ વરસતા શહેરીજનોને ગરમીથી રાહત મળી છે. લાંબા સમયથી જેની રાહ જોઈ રહ્યા ત્યારે બપોર બાદ અચાનક વરસાદ વરસતા શહેરીજનોએ પળવાની મઝા પણ માણી હતી.

ઉલ્લેખનીય છે કે રાજ્યમાં વરસાદની મોસમ સોળે કળાએ ખુલી ઉઠી છે ત્યારે ખાસ કરીને સૌરાષ્ટ્ર અને દ.ગુજરાતના કેટલાય વિસ્તારોમાં જળબંબાકારની સ્થિતિ સર્જાઇ છે. જો કે આ તમામ બાબતો વચ્ચે મધ્યગુજરાતનું અમદાવાદ શહેર પર મેઘરાજાની કૃપા જોવા નહીં મળતા નાગરિકો બફારાથી ત્રાહિમામ પોકારી ઉઠ્યા હતા. ત્યારે આજરોજ બપોર બાદ શહેરના અનેક વિસ્તારોમાં વરસાદ વરસતા લોકો ખુશીથી ઝુમી ઉઠ્યા હતા. 
  અમદાવાદ શહેરના જજીસ બંગલો એસજી હાઈવે વસ્ત્રાપુર જીવરાજ પાર્ક સેટેલાઈટ સહિતના કેટલાક સ્થળો પર મેઘમહેર થતા સ્થાનિક લોકોએ વરસાદની મોસમમાં ભીંજાવાનો લાભ ઉઠાવ્યો હતો. તો આ તરફ શહેરના કેટલાક સ્થળો પર ભજીયા દાળવડા અને ચોળાફળીની લિજ્જત માણવા સ્થાનિકોની લાઇનો લાગી હતી.   
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ