ગુજરાતમાં આજે સોમવારે સામાન્યથી ભારે વરસાદને લઇને હવામાન વિભાગે આગાહી કરી છે. ત્યારે રાજ્યમાં વરસાદને લઇને કરવામાં આવેલી આગાહી વચ્ચે છેલ્લા 24 કલાકમાં 174 તાલુકામાં વરસાદ વરસ્યો છે. જેમાં સૌથી વધુ ખંભાળિયામાં પોણા 18.5 ઇંચ વરસાદ નોંધાયો છે. જ્યારે પોરબંદર અને રાણાવાવમાં 10 ઇંચ વરસાદ પડયો છે. આમ સૌરાષ્ટ્રમાં મેઘમહેર જોવા મળી છે.
છેલ્લા 24 કલાકમાં રાજ્યના 174 તાલુકામાં વરસાદ
સૌથી વધુ ખંભાળિયામાં 18.5 ઈંચ વરસાદ નોંધાયો
પોરબંદરમાં 10 ઈંચ, રાણાવાવામાં 10 ઈંચ વરસાદ
ગુજરાતમાં આજે સોમવારે ભારે વરસાદની આગાહી વચ્ચે છેલ્લા 24 કલાકમાં 174 તાલુકામાં વરસાદ વરસ્યો છે. સૌથી વધારે ખંભાળિયામાં 18.5 ઇંચ વરસાદ નોંધાયો છે. જ્યારે પોરબંદર અને રાણાવાવમાં 10 ઇંચ વરસાદ ખાબક્યો છે.
જ્યારે કલ્યાણપુરમાં 9 અને દ્વારકામાં 7 ઇંચ વરસાદ પડ્યો છે. જ્યારે ભાણવડ-વિસાવદર-કુતિયાણામાં 6 ઇંચ અને સુત્રાપાડામાં 5 ઇંચ વરસાદ નોંધાયો છે. જ્યારે મેંદરડા-માણાવદરમાં 5-5 ઇંચ, ચીખલી-પારડી-વંથલી-વાપી-જૂનાગઢમાં 4-4 ઇંચ વરસાદ નોંધાયો છે.
જ્યારે વલસાડ અને કપરાડામાં માં પોણા 4 ઈંચ, જલાલપોર-ગીર ગઢડા- ગણદેવી- ખાભામાં 3.5 ઈંચ વરસાદ, કેશોદ અને નવસારીમાં સવા 3 ઈંચ વરસાદ, બગસરા, તલાળા અને ધોરાજીમાં 3 ઈંચ વરસાદ, કાલાવડ-ટંકારા, ધારીમાં પોણા 3 ઈંચ વરસાદ, ચોર્યાસી-રાજુલા-વાલપુર-વાંકાનેર-ઉના-ભિલોડામાં 2.5 ઈંચ વરસાદ પડ્યો છે.
આ સાથે ઉમરગામ,સાવરકુંડલા, વેરાવળ, જામજોધપુર, ધ્રોલ, પલસાણા, જાફરાબાદ, કોડિનારમાં સવા 2 ઈંચ, જ્યારે ખેરગામ-અમરેલી-ચૂડા-સાયલામાં 2 ઈંચ વરસાદ નોંધાયો છેં.