એક તરફ સરકાર દ્વારા ઉદ્યોગોમાં વીજકાપ તો બીજી તરફ સરકારી કચેરીઓમાં વીજળીનો વ્યય, વીટીવી ન્યૂઝના કેમેરામાં કેદ થયા દ્રશ્યો
એક તરફ ઉદ્યોગોમાં વીજકાપ
તો બીજી તરફ સરકારી કચેરીઓમાં વીજળીનો વ્યય
વડોદરા અને કચ્છમાં વીટીવી ન્યૂઝનું રિયાલીટી ચેક
રાજ્યભરમાં સર્જાયેલ વીજ કટોકટીને લઈને મુશ્કેલી સર્જાઇ છે. એક તરફ રાજ્યભરના ખેડૂતોમાં રોષ છે. પુરતા પ્રમાણમાં વીજળી ન મળતા ખેડૂતોનો મહામૂલો પાક બળીને ખાખ થાય તેવી ભીતિ સર્જાઇ છે.વીજળી વિના સિંચાઇ થઇ શકતી નથી. તો બીજી તરફ વીજળીને કટકટીને કારણે ઉદ્યોગોમાં પણ એક દિવસ વીજકાપ મૂકવામાં આવ્યો છે. એક તરફ સરકાર જનતા માટે નિયમો બનાવે છે તો બીજી તરફ સરકારી અધિકારીઓને પ્રજાના પૈસે લહેર કરવાની જાણે કે ટેવ પડી ગઇ હોય તેમ લાગી રહ્યું છે. આવુ જ કંઇક જોવા મળ્યુ વડોદરા મહાનગર પાલિકામાં.
વડોદરામાં વીજળીનો વ્યય
રાજ્યમાં વીજળી મુદ્દે ઠેર ઠેર વિરોધ પ્રદર્શન કરવામાં આવે છે તો બીજી તરફ વડોદરા મહાનગરપાલિકાની ઑફિસોમાં બેફામ વીજ વપરાશ થતો હોવાનુ સામે આવ્યું. વીટીવી ન્યૂઝ દ્વારા ઑફિસમાં રિયાલીટી ચેક કરાતા વીજળીનો ખોટો વપરાશ થઇ રહ્યો હોવાનું જણાયુ. ઑફિસમાં કોઇ હાજર નથી તેમ છતાં પંખાઓ ઠેર ઠેર ચાલુ જોવા મળ્યા. પોણા દસનો સમય થયો છે ઓફિસમાં કોઇ અધિકારીઓ આવ્યા નથી તેમ છતાં એક રુમના તમામ પંખા ચાલી રહ્યા હોવાનું રિયાલીટી ચેકમાં સામે આવ્યું. આ ઉપરાંત અધિકારીઓ આવે તે પહેલા રુમમાં એસી અને લાઇટ પણ ચાલુ કરી દેવાય છે. આ અંગે જ્યારે હાજર એક કર્મચારીને વીટીવી ન્યૂઝે સવાલ કર્યો તોતેઓએ પોતુ માર્યુ છે એટલે સુકવવા માટે પંખા કર્યા હોવાનું જણાવીને તંત્રનો બચાવ કર્યો હતો.
કચ્છમાં પણ વીજળીનો બેફામ વપરાશ
આ તરફ કચ્છમાં પણ સરકારી કચેરીઓમાં એસી, પંખા અને લાઇટો વગર કામની ચાલુ જોવા મળી. ક્ચ્છ જિલ્લા પંચાયત પરિસરમાં વીજ વ્યયના દ્રશ્યો સામે આવ્યા હતા. વિવિધ શાખાઓમાં વીજ વ્યયના દ્રશ્યો આવ્યા સામે અધિકારીઓ ઑફિસમાં હાજર ન હોય તેમ છતાં એસી અને લાઇટો ચાલુ હોવાનું વીટીવી ન્યૂઝના કેમેરામાં કેદ થયુ હતું.
સળગતા સવાલો
વીજ વપરાશને લઇ સરકારી ઓફિસો માટે છે કોઇ ગાઇડલાઇન ?