પ્રેરણા / VIDEO : હાથ નથી પણ હિંમત તો છેને! આ યુવાનની વાત સાંભળી તમે પણ કરશો સલામ

• હારતા નહીં જીતતા શીખો 
• હાથ ગુમાવ્યા હિંમત નહીં
• વનેચંદ અમારા વંદન 

હું હાથ ને મારા ફેલાવું તો તારી ખુદાઈ દૂર નથી .હું માગું ને તું આપી દે તે વાત મને મંજુર નથી.

ઉપરોક્ત પંક્તિ ટીમ્બિ નજીક આવેલ ખત્રીવાડા ગામના બને હાથ હાથ ગુમાવી દીધેલા વનેચંદ શિયાળના છે આ 22 વર્ષીય યુવાન અકસ્માતે બને હાથ ગુમાવી ચુક્યો છે. છતાં તેંણે હિંમત નથી ગુમાવી બે હાથ નથી છતાં કોણીની મદદથી પોતાનું તમામ કાર્ય કરી લે છે જમવું. મોબાઈલ ઓપરેટ કરવો ગાયો ભેંસોને ચારો નાખવો ક્રિકેટ રમવું બાળકોને ભણાવવા સાયકલ ચલાવવી જેવા કઠિન કાર્યો તે વિના હાથે આસાનીથી કરી લે છે. આ યુવાને હાથ ગુમાવ્યા છે પરંતુ હિંમત નથી ગુમાવી. 

નાનપણમાં બંને હાથ ગુમાવી ચૂકેલી આ યુવાન નું નામ વનેચંદ છે ટીંબી નજીક આવેલ ખત્રીવાડામાં નાના એવા ઘરમાં રહે છે મા-બાપ મજુર છે ખૂબ ગરીબી છે. છતાં વહાલસોયા આ પુત્રને મા-બાપ જીવની જેમ સાચવી રહ્યા છે. વનેચંદ જ્યારે દસ વર્ષનો હતો ત્યારે વીજ શોખ લાગતા પોતાના બંને હાથ ગુમાવી ચુક્યો છે હાથ ગુમાવ્યા છે પરંતુ હિંમત નથી ગુમાવી વગર હાથે સાજો સારો માણસ જે કાર્ય કરી શકે તે કાર્ય વનેચંદ હાથ વિના કરી બતાવે છે.

આ યુવાન ગ્રેજ્યુએટ છે 

બંને હાથ ન હોવા છતાં મહામુસીબતે લખતા શીખી અને વનેચંદ છેક ગ્રેજ્યુએશન પૂરું કરી હાલ તેના માતા-પિતા સાથે રહે છે. આ વનેચંદ લેપટોપ ચલાવી જાણે છે. મોબાઇલ ઓપરેટ કરી જાણે છે. મોબાઈલમાં મેસેજ કરી જાણે છે. સાઇકલ ચલાવે છે. ગાય ભેસ ને ઘાસચારો પણ આપે છે. સાથે સાથે તેમના મિત્રો સાથે ક્રિકેટ પણ રમે છે.

તમામ કામ જાતે કરે છે

વનેચંદ ફ્રી થઈ જતા પોતાના મિત્રો સાથે સાયકલ લઈને સ્કૂલ ગ્રાઉન્ડ પહોંચી જાય છે અને ક્રિકેટ રમે છે હાથવાળા વ્યક્તિઓને ક્રિકેટ રમવામાં તકલીફ પડે પરંતુ હાથ વિનાના વનેચંદને સહેજ પણ તકલીફ નથી પડતી શાળામાં અને ગરીબ બાળકોને આ વનેચંદ અભ્યાસ કરાવે છે. ક્યારેક-ક્યારેક સ્કૂલમાં પણ વનેચંદ બાળકોને ખુબ સરસ અભ્યાસ કરાવે છે ટ્યુશન આપે છે ત્યારે આ વનેચંદ હિંમત નથી આવ્યો બે હાથ નથી છતાં કોણીની મદદથી આ વનેચંદ  પેન લઈ ગુજરાતી અંગ્રેજી હિન્દી ખૂબ સરસ રીતે લખે છે. 

અકસ્માતમાં હાથ ચાલ્યા ગયા

ખત્રીવાડા ગામના સરકારી શાળાના શિક્ષક વિજય ભાઈ પટેલ જણાવે છે કે વનેચંદ 5 મુ ધોરણ ભણતો ત્યારે એક દૂર્ઘટનામાં વીજ શોક લાગવાના કારણે વનેચંદના બને હાથ કપાવવા પડ્યા અને ત્રણ મહિનાની સારવાર બાદ વનેચંદને ઘરે લાવવામાં આવ્યો ત્યારે પ્રશ્ન હતો કે હવે હાથ વિના કઈ રીતે ભણશે? પરંતું આ છોકરાની ધગશના કારણે તે કોણી વડે પેન પકડી અને લખતા શીખ્યો અને હિન્દી અંગ્રેજી ગુજરાતી ભાષા પર પકડ મેળવી અને છેક ગ્રેજ્યુએટ થયો.

શિક્ષકોને પણ તેના પર ગર્વ છે

શિક્ષક વિજય ભાઈએ વધુમાં જણાવ્યું હતુ કે, હાલ પોતાની મહેનત વડે બધા કામ શીખી ગયો છે અને પોતે અન્યને શીખ આપે છે કે હિંમત હોય તો બધું શક્ય છે વનેચંદ શિયાળને મોટીવેશનલ સ્પીકર બનવું છે અને લોકો સમક્ષ હિંમત હોય તો ગમે તે કામ કરી શકાય છે તે માટે પ્રોત્સાહન આપવું છે. આ યુવક હાલ અત્યંત ગરીબ છે સાવ ઝૂંપડા જેવા મકાન માં રહે છે એની કોઈ મદદ કરે અથવા સરકાર આને પ્રોત્સાહિત કરે તો યુવાન હજુ પણ ઘણું બધું કરી શકે તેમ છે.  
કોઈ મદદ કરે તો સારૂ. 
  
કોઈ મદદ કરે તો યુવાન આગળ વધી શકે

આ બને હાથ ગુમાવી દીધેલા વનેચંદ નામના યુવાનનીં સ્થિતિ સાવ ગરીબ છે ઝૂંપડાં જેવા મકાન માં આ યુવાન તેમની માતા પિતા સાથે રહે છે અને માતા પિતા મજૂરી કરે છે ત્યારે આ હાથ વિના નો વનેચંદ શિયાળ પણ પોતાની થેલો લઈ રોજ બરોજ જતો રહે છે અને નાની મોટી સેલ્સમેન શીપ કરી પોતે થોડું ઘણું કમાઈ લે છે ત્યારે આ યુવાન ને હાથ નથી છતાં હાથ વાળા ને પ્રેરણા આપે છે .જો સરકાર અથવા કોઈ દાતા કે સંસ્થા  આ યુવાન નો હાથ જાલે તો હજુ આ યુવાન ખૂબ આગળ આવી શકે તેમ છે એક દમ ગરીબ પરિસ્થિતિમાં પણ આ યુવાન હસતો જ રહે છે અને લોકો ને કાયમ હસવાનું શીખવે છે.