ક્રિકેટ / આવતીકાલના ભારત-પાકના મહામુકાબલા પહેલા વિરાટ કોહલીનો મોટો ખુલાસો, જાણો શું કહ્યું

• આવતીકાલે પાકિસ્તાન સામેની એશિયા કપની મેચમાં રમશે વિરાટ કોહલી
• મેચ પહેલા કોહલીનો મોટો ખુલાસો
• કહ્યું-10 વર્ષમાં પહેલી વાર 1 મહિના સુધી બેટને હાથ લગાડ્યો નથી 

આવતીકાલે એશિયા કપમાં ભારત અને પાકિસ્તાન ટકરાવાના છે. પાકિસ્તાન સામેની મેચમાં વિરાટ કોહલી પણ રમવાનો છે. વિરાટ કોહલી ઘણા સમયથી નબળા ફોર્મમાં ચાલી રહ્યો છે. પાકિસ્તાન સામેની મેચ પહેલા એક મોટો ખુસાલો કરતા કોહલીએ કહ્યું કે 10 વર્ષમાં પહેલી વાર 1 મહિના સુધી બેટનો સ્પર્શ કર્યો નથી. કોહલીએ કહ્યું કે મને હવે એ વાતનો અહેસાસ થયો છે કે છેલ્લા થોડા સમયથી હું ખોટી આક્રમકતા દેખાડવાનો પ્રયાસ કરી રહ્યો હતો. હું મારી જાતને સમજાવી રહ્યો હતો કે મારી અંદર વિશ્વાસ ભરેલો છે પરંતુ શરીર મને અટકવાનું કહેતું હતું. મારુ મગજ મને બ્રેક લેવાનું અને પીઠહેઠ કરવાનું કહેતું હતું. 

Didn't touch my bat for a month: Virat Kohli opens up on feeling 'mentally down' before his break

Read @ANI Story | https://t.co/Nr4uhHc0DP#ViratKohli𓃵 #CricketTwitter pic.twitter.com/16RYoI3cdV

— ANI Digital (@ani_digital) August 27, 2022

મારી પણ એક લિમિટ હોય છે 
કોહલીએ કહ્યું કે મને હંમેશા એવા વ્યક્તિ તરીકે જોવામાં આવે છે જે માનસિક રીતે ઘણો મજબૂત છે. હું આવો જ છું પરંતુ દરેક મનુષ્યની એક લિમિટ હોય છે અને તે લિમિટને માણસે ઓળખવાની જરુર હોય છે. નહીંતર તમારે માટે ચીજ ખોટી સાબિત થઈ શકે છે. કોહલીએ એવું પણ કહ્યું કે હું માનસિક રીતે પણ નબળો સાબિત થયો હતો આ ઘણી સામાન્ય વાત હતી. 

ઘણા સમયથી કોહલી નબળા ફોર્મમાં 
ભૂતપૂર્વ ભારતીય કેપ્ટન અને લેજન્ડરી બેટ્સમેન વિરાટ કોહલી લાંબા સમયથી તેના ફોર્મને લઈને સંઘર્ષ કરી રહ્યો છે. જોકે એશિયા કપમાં લાંબા બ્રેક બાદ પુનરાગમન કરનારા વિરાટ કોહલીને આ ટુર્નામેન્ટમાં તેનું ફોર્મ પાછું મળે તેવી ચાહકોને અપેક્ષા છે અને તે મજબુત બેટીંગ કરતો જોવા મળશે. 

આવતીકાલની પાકિસ્તાન સામેની મેચમાં રમશે કોહલી
ઘણા લાંબા સમય બાદ કોહલી આવતીકાલે એશિયા કપમાં પાકિસ્તાન સામેની મેચમાં રમવાનો છે.