VIDEO / મેદાન વચ્ચે બેટથી જાદુ બતાવવા ગયો વિરાટ, ફેન્સ બોલ્યા કોપી કરવાને બદલે સદી મારીને બતાવ ને!

• ઈંગ્લેન્ડમાં વૉર્મ-અપ મેચમાં વિરાટ કોહલીએ માત્ર 33 રન બનાવ્યાં
• વિરાટ કોહલી ઈંગ્લેન્ડના પૂર્વ કેપ્ટન જો રૂટની કોપી કરતો જોવા મળ્યો
• બેટને જમીન પર કોઈ પણ આધાર વગર ઉભુ રાખવામાં રહ્યાં અસમર્થ

ભારતીય ટીમે 81 રને પાંચ વિકેટ ગુમાવી 

ભારતીય ટીમના પૂર્વ કેપ્ટન વિરાટ કોહલી અઢી વર્ષથી મોટા સ્કોર માટે તરસી રહ્યાં છે. ઈન્ડિયન પ્રીમિયર લીગ 2022 સિઝનમાં પણ કોહલી તેન કંગાળ ફોર્મથી પીછો છોડાવી શક્યા નથી. હવે કોહલી ભારતીય ટીમની સાથે ઈંગ્લેન્ડ પ્રવાસ પર ગયા છે.  જ્યાં એક ટેસ્ટ મેચ રમવાની છે. આ ટેસ્ટ પહેલા ભારતીય ટીમ અને ઈંગ્લિશ ક્લબ લિસેસ્ટરશાયર વચ્ચે ગુરૂવારે ચાર દિવસની વૉર્મ-અપ મેચ રમાઈ રહી છે. આ વૉર્મ-અપ મેચમાં કેપ્ટન રોહિત શર્માએ ટૉસ જીતીને પ્રથમ બેટીંગ પસંદ કરી. ત્યારબાદ ભારતીય ટીમે 81 રને પાંચ વિકેટ ગુમાવી. 

કોહલી ઈંગ્લેન્ડના કેપ્ટન જો રૂટની કોપી કરતા દેખાયા

એવામાં વિરાટ કોહલી ક્રીજ પર આવ્યાં અને તેમણે મોરચો સંભાળ્યો. કોહલીએ શરૂઆત સારી કરી. પરંતુ એક વખત ફરીથી મોટો સ્કોર બનાવવાથી ચૂકી ગયા. વિરાટે 69 બોલનો સામનો કરીને માત્ર 33 રન બનાવ્યાં. આ દરમ્યાન કોહલી ઈંગ્લેન્ડના પૂર્વ કેપ્ટન જો રૂટની કોપી કરતો જોવા મળ્યો. આ ઘટના કેમેરામાં કેદ થઇ ગઇ. જેનો વીડિયો સોશિયલ મીડિયામાં વાયરલ થયો છે. 

Kohli tried to make his bat stand upright like Root 😭 pic.twitter.com/PJh32dsDPH

— Chand (@AbhiShake_18) June 23, 2022

બેટને જમીન પર ઉભુ રાખી ના શક્યા

ખરેખર, કોહલી પિચ પર તેના બેટને કોઈ પણ આધાર વગર સીધો ઉભુ રાખવાનો પ્રયાસ કરી રહ્યાં હતા. પરંતુ તેમણે બે વખત અલગ-અલગ જગ્યાએ આવો ટ્રાય કર્યો. પરંતુ એક વખત પણ આમ કરવામાં સફળ ના થયા. ઉલ્લેખનીય છે કે, આ મહિનાની શરૂઆતમાં જો રૂટે ન્યુઝીલેન્ડની સામે ટેસ્ટ મેચ દરમ્યાન તેના બેટને થોડી ક્ષણ માટે જમીન પર સીધુ ઉભુ રાખ્યુ હતુ. એટલેકે રૂટનુ બેટ કોઈ પણ આધાર વગર જમીન પર ઉભુ રહ્યું હતુ ત્યારે રૂટનો વીડિયો ખૂબ વાયરલ થયો હતો. રૂટને ક્રિકેટ પ્રેમીઓએ જાદુગર પણ કહ્યું હતુ. એટલેકે રૂટનુ બેટ કોઈ પણ આધાર વગર જમીન પર ઉભુ રહ્યું હતુ. 

I knew @root66 was talented but not as magic as this……. What is this sorcery? @SkyCricket #ENGvNZ 🏏 pic.twitter.com/yXdhlb1VcF

— Ben Joseph (@Ben_Howitt) June 5, 2022