ક્રિકેટ / IND Vs SL: ફરી વિરાટનો ધબડકો, માત્ર 23 રનમાં જ થયો પવેલિયન ભેગો, ફેંસની આશાઓ પર ફેરવ્યું પાણી

• વિરાટ કોહલી ન ફટકારી શક્યો સદી 
• માત્ર 23 રનમાં આઉટ 
• જાણો શ્રીલંકા વિરુદ્ધ આ સીરીઝમાં કેટલા રન બનાવ્યા વિરાટ કોહલીએ 

વિરાટ કોહલી ન ફટકારી શક્યો સદી

ભારત તથા શ્રીલંકા વચ્ચે બેંગ્લોરમાં પિંક બોલ ટેસ્ટ હતી. પૂર્વ કપ્તાન વિરાટ કોહલી માટે બેંગ્લોર બીજા ઘર જેવું જ છે તથા દરેકને આશા હતી કે અહી વિરાટ કોહલી સદી ફટકારશે જ. પરંતુ આવું ન બન્યું અને ટેસ્ટ મેચનાં પહેલા જ દિવસે વિરાટ કોહલી 23નાં સ્કોર પર આઉટ થઇ ગયા. 

માત્ર 23 રનમાં આઉટ 

ભારતે આ મુકાબલામાં ટોસ જીતીને પહેલા બેટિંગ કરવાનું પસંદ કર્યું હતું, શરૂઆતથી જ ટીમ ઇન્ડિયાને ઝટકા પર ઝટકા લાગ્યા. પહેલા મયંક અગ્રવાલ રનઆઉટ થયા અને ત્યારબાદ કપ્તાન રોહિત શર્મા પણ સસ્તામાં પવેલિયન પાછા ફર્યા. ત્યાર બાદ હનુમા વિહારી અને કિંગ કોહલી પણ 100 રનની અંદર જ આઉટ થયા. 

વિરાટ કોહલી જ્યારે આવ્યા, ત્યારે મેદાનમાં એક અલગ જ જોશ જોવા મળ્યો. પરંતુ 48 બોલમાં માત્ર 23 રન બનાવીને વિરાટ કોહલી ધનંજય ડી સિલ્વાનાં બોલ પર LBW આઉટ થયા. 

વિરાટ કોહલી આ સીરીઝમાં કેટલા રન બનાવ્યા 

• મોહાલી ટેસ્ટ - 45 રન 
• બેંગ્લોર ટેસ્ટ - 23 રન 

આપવામાં આવ્યું હતું સમ્માન 

વિરાટ કોહલીને ભારત માટે 100 ટેસ્ટ મેચ રમવા પર મોહાલીમાં રાહુલ દ્રવિડનાં હાથો સમ્માન પણ મળ્યું હતું. આ દરમિયાન તેમની પત્ની અનુષ્કા શર્મા પણ મેદાન પર હાજર રહી હતી. આ સાથે જ વિરાટને ગાર્ડ ઓફ ઓનર પણ આપવામાં આવ્યું હતું.