તાયફો / કંઈક તો શરમ કરો ભાજપ નેતા : કોરોનામાં તમારો જન્મદિવસ કોઈકનો મરણદિવસ બની જશે

• ભાજપ નેતાઓ પોતાની મસ્તીમાં
• વિજેતા ઉમેદવારે કરી ઉજવણી 
• સામાજિક અંતરના ધજાગરા 

આપણે સૌ કોઈ જાણીએ છીએ કે, સુરતમાં કોરોનાની કેવી સ્થિતિ છે અને કેટલી ઝડપે કોરોના ફેલાઈ રહ્યો છે. ત્યારે આ કોરોના વિસ્ફોટ વચ્ચે ભાજપના નેતાઓની તાયફા બાળી ઉજવણી. જેમાં ન તો માસ્ક છે કે નતો સોશિયલ ડિસ્ટન્સિંગ... 

સુરતના ભાજપ નેતાનો વીડિયો થયો વાયરલ 

આ વીડિયોમાં સુરતના ખોલવડ તાલુકા પંચાયતના વિજેતા ઉમેદવાર એઝાઝ તેલીના જન્મદિવસની ઉજવણીનો છે. મહામારીના વિસ્ફોટ વચ્ચે નેતાજીએ ભવ્ય રીતે કેક કટિંગ કરીને જન્મ દિવસ તો ઉજવ્યો જ. પરંતુ તેની સાથે-સાથે આ પાર્ટીમાં ભાજપના ધારાસભ્ય વી.ડી.ઝાલાવાડિયા અને જિલ્લા પંચાયતના સભ્ય રવજી વસાવા સહિતના અનેક લોકોએ હાજરી આપી તેમને શુભેચ્છા પણ પાઠવી. આપને જાણીને નવાઈ તો એ લાગશે કે, વી.ડી.ઝાલાવાડીયા તાજેતરમાં જ કોરોનાથી સંક્રમિત પણ થયા હતા.. 

મોજ-મસ્તીના દ્રશ્યોએ ઉભા થયાં સવાલ 

આ તાયફાઓ..આ સેલિબ્રેશન અને આ મોજ-મસ્તીના દ્રશ્યો સામે આવતા જ અનેક સવાલો પણ ઉઠી રહ્યા છે કે, કોરોના વિસ્ફોટની સ્થિતિમાં આ પ્રકારની ઉજવણી શા માટે? એક તરફ 144 લાગુ કરાઈ છે.. જ્યારે બીજી તરફ પાર્ટીઓ થઈ રહી છે તે કેટલું યોગ્ય? લોકોને નિયમો પાળવા અપાય છે સૂચના.. નેતાઓ માટે શુ ? સવાલો અનેક છે અને જનતામાં પણ ભારોભાર રોષ છે. તેવામાં જોવાનું એ રહેશે કે, આ પ્રકારના તાયફા સામે ભાજપ સરકાર કોઈ કડક પગલા ભરે છે કે, કેમ...