રાજકોટમાં 26 જાન્યુઆરીના રોજ રાજ્યકક્ષાની પ્રજાસત્તાક દિવસની ઉજવણી થશે. આજથી રાજકોટમાં પ્રજાસત્તાક દિવસને લઈને કાર્યક્રમનો શરૂઆત થઈ છે. આ કાર્યક્રમ દરમિયામન મુખ્યમંત્રી વિજય રૂપાણી હાજર રહ્યા હતા.
રાજકોટમાં 26 જાન્યુઆરીની ઉજવણીની તૈયારીઓ
CM રૂપાણીએ નિહાળ્યું એર શોનું રિહર્સલ
અશ્વ શોમાં જોયા ઘોડેસવારના કરતબ
આજે ઘોડેસવાર દ્વારા અવનવા કરતબ કરવામાં આવ્યા હતા. માઉન્ટેન પોલીસ વિભાગના ગ્રાઉન્ડમાં યોજાયેલા કાર્યક્રમમાં બે અશ્વોએ સંતુલન ગુમાવ્યુ હતું. અશ્વોએ સંતુલન ગુમાવતા પોલીસકર્મીઓ વચ્ચે નાસભાગ મચી હતી.
રેસકોર્સ ખાતે એર શોનું પણ કરાયું આયોજન
આ સાથે જ ન્યુ રેસકોર્સ ખાતે એર શો યોજાયો હતો. જે દરમિયાન આકાશમાં અદ્દભૂત નજારો જોવા મળ્યો છે. CM વિજય રૂપાણીની ઉપસ્થિતિમાં એર શોનું આયોજન કરાયું છે. આ એર શોમાં મધ્યમ અને નાના એરક્રાફટ તથા હેલીકોપ્ટર દ્વારા નીચા ઉડાણે અદભૂત અને દિલધડક કરતબો અને કલાબાજી દર્શાવવામાં આવ્યા હતા.
રાજકોટ ખાતે જિલ્લા વહીવટી તંત્ર, રાજકોટ ગ્રામ્ય પોલીસ તથા કાઠીયાવાડી હોર્સ બ્રિડર્સ એસોસિયેશનના સહયોગથી આયોજિત 'અશ્વ રમતોત્સવ - 2020' નો શુભારંભ મુખ્યમંત્રી શ્રી વિજયભાઈ રૂપાણીની ઉપસ્થિતિમાં કરવામાં આવ્યો હતો. pic.twitter.com/1qiNK2QjNV
૧૦૦ ફીટની ઉંચાઇ સુધી દિલધડક પેરા સેઇલીંગનું કરાયું નિદર્શન
આ ઉપરાંત પ્રકાશિત હોટએર બલુન દ્વારા ૩૦૦ ફીટની ઉંચાઇ સુધી ઉડાન ભરવામાં આવી હતી. તો પેરામોટરીંગમાં ૫૦૦ ફીટની ઉંચાઇ સધી બેકપેક ફલાઇંગ દર્શાવામાં આવી હતી. તેમજ રેડીયો કંટ્રોલ્ડ એરોપ્લેન મોડલ દ્વારા ૧૦૦ ફીટનીઉંચાઇ સુધી એરો મોડલીંગનું અને ૧૦૦ ફીટની ઉંચાઇ સુધી દિલધડક પેરા સેઇલીંગનું પણ નિદર્શન કરાયેલ.