ત્યાર બાદ, ઊંદર, દીપડો, પક્ષી અને બીજા પ્રાણીઓએ આપ્યા રિએક્શન
દર્પણમાં જોઈને જંગલી પ્રાણીઓ અને પક્ષીઓ કેવુ લાગતું હશે અને તેઓ કેવી પ્રતિક્રિયા આપતા હશે, ક્યારેક વિચાર્યું છે. જો ન વિચાર્યું હોય તો જોઈ લેજો આ મજાનો વીડિયો. વીડિયો જોઈને ખબર પડે છે કે પ્રાણીઓ અને પક્ષીઓ કેટલા સંવેદનશીલ અને એલર્ટ હોય છે.
જંગલમાં કોઈએ બાંધી દીધો મોટો અરીસો
દર્પણમાં જોઈને જંગલી પ્રાણીઓ અને પક્ષીઓ કેવું ફીલ કરતા હશે તે વાતનો તાગ લેવા માટે કોઈએ જંગલમાં એક મોટો અરીસો મૂકી દીધો અને પછી તે સંતાઈને પ્રાણીઓના રીએક્શન જોવા લાગ્યો, તેને જે રીએક્શન મળ્યાં તે તો જાણવા જેવા છે. આ સમગ્ર ઘટનાનો વીડિયો સોશિયલ મીડિયા પર વાયરલ થયો છે જેને જોઈને તમે હસી પડશો અને હેરાન પણ બની જશો.
સૌથી પહેલા આવી સિંહણ ત્યાર બાદ મોટો ઊંદર
40 સેકન્ડના વીડિયોમાં તમે જોઈ શકો છો કે જંગલમાં એક મોટો અરીસો ઝાડ સાથે બાંધવામાં આવ્યો છે. સૌથી પહેલા એક સિંહણ આવે છે અરીસામાં જોઈને સિંહણ રીતસરને ચોંકી ઉઠે છે અને ડરીને એટેક મોડમાં આવી જાય છે. ત્યાર બાદ એક મોટો ઊંદર આવે છે અને પોતાની જાતને અરીસામાં જોઈને જોરદાર રીતે ઊછળી પડે છે. આ પછી આવે છે દીપડો, દર્પણમાં પોતાની તસવીર જોઈને દીપડાને કુતુહલ થાય છે અને જાણકારી મેળવવા લાગી જાય છે કે બીજા કયો દીપડો છે.
બે ચકલીઓએ જોયું પોતાનું પ્રતિબિંબ
સૌથી છેલ્લે બે પંખીઓ આવે છે, મિરરમાં પોતાની જાતને જોઈને બે ચકલીઓમાં પણ ભારે જિજ્ઞાસા પેદા થાય છે અને તે તપાસ કરવા લાગી છે કે પોતાને જેવી દેખાતી બે ચકલીઓ ક્યાંથી આવી અને તે ચાંચો મારવા લાગે છે.
પોતાની તસવીર જોઈને વાઘ તો છળી મર્યો
પક્ષી પછી એક વાઘ આવે છે અને દર્પણમાં પોતાનું પ્રતિબિંબ જોતા તે છળી પડે છે અને ડરીને ભાગી જાય છે. આવા મજાના રીએક્શન જોઈને તમે હસી પડશો.