ચર્ચાસ્પદ / VIDEO: આ શું કરી રહ્યા છે જૉ બાયડન? ફરીવાર સ્ટેજ પર અજીબ હરકતનો વીડિયો વાયરલ 

• અમેરિકાના રાષ્ટ્રપતિ જૉ બાયડનનો એક ચોંકાવનારો વીડિયો વાયરલ 
• કાર્યક્રમ પૂર્ણ થયા બાદ અજીબ હરકત કરતાં જોવા મળ્યા જૉ બાયડન
• અગાઉ પણ રાષ્ટ્રપતિ જૉ બાયડનનો આવો વિડીયો થઈ ચૂક્યો છે વાયરલ 

અમેરિકાના રાષ્ટ્રપતિ જૉ બાયડનનો એક ચોંકાવનારો વીડિયો હાલ સોશિયલ મીડિયા પર વાયરલ થઈ રહ્યો છે. આ વિડીયોમાં જૉ બાયડનની હાલત જોઈને ઈન્ટરનેટ યુઝર્સ દંગ રહી ગયા છે. વાત જાણે એમ છે કે, રાષ્ટ્રપતિ જૉ બાયડન 21 સપ્ટેમ્બર બુધવારે ન્યૂયોર્કમાં ગ્લોબલ ફંડની કોન્ફરન્સને સંબોધિત કરી રહ્યા હતા. સ્ટેજ પર તેમનું ભાષણ પૂરું કર્યા પછી તેઓ પોડિયમ છોડવા માટે વળ્યા, પરંતુ તરત જ અટકી ગયા. થોડીવાર માટે તે બેભાન થઈ ગયા હતા. જોકે આશ્ચર્યની વાત એ છે કે, આ દરમ્યાન જૉ બાયડન પણ કંઈક બોલતા જોવા મળ્યા હતા. જો કે, પરિષદમાં તાળીઓના ગડગડાટને કારણે તે શું બોલ્યા તે સંભળાયું ન હતું. 

રાષ્ટ્રપતિ જૉ બાયડનના આ વીડિયો ઘણા યુઝર્સ દ્વારા વિવિધ સોશિયલ મીડિયા પ્લેટફોર્મ પર પોસ્ટ કરવામાં આવ્યા છે. હકીકતમાં આ ઇવેન્ટ એઇડ્સ, ક્ષય અને મેલેરિયા સામે લડવા માટે ભંડોળ એકત્ર કરવા માટે યોજવામાં આવી હતી.  સ્ટેજ પરના તેમના સંબોધનમાં જો બિડેને તમામ સહભાગીઓને તેમના યોગદાન માટે આભાર માન્યો. મહત્વની બાબતો માટે લડવા બદલ તમામનો આભાર, તેમણે કહ્યું. તે દરેકના જીવન બચાવવા વિશે છે. દરેક જગ્યાએ લોકો ગરિમા અનુસાર તેમના અધિકારો સાથે જીવી શકે છે. 

Where ya going, Big Guy? pic.twitter.com/hvMjZlprWb

— RNC Research (@RNCResearch) September 21, 2022

આ દરમ્યાન તે પોડિયમ છોડવા માટે જમણી તરફ વળ્યા તે એક ક્ષણ માટે અટકી ગયા હતા. કદાચ તેઓ વિચારવા લાગ્યા કે અહીંથી નીચે ઉતરવું જોઈએ કે નહીં. પરંતુ પછી તેમણે કંઈક ગણગણાટ કરવાનું શરૂ કર્યું, જાણે કોઈની સાથે વાત કરી રહ્યા હોય, જ્યારે ત્યાં કોઈ નહોતું. તેમની એક્શન જોઈને ત્યાં હાજર લોકો દંગ રહી ગયા. જોકે કાર્યક્રમને હોસ્ટ કરી રહેલા વ્યક્તિએ ધ્યાન હટાવવા અને 79 વર્ષીય યુએસ પ્રમુખ જૉ બાયડન જે લગભગ બેભાન હતા તેમનું ધ્યાન દોરવા  આભાર વિધિ વાંચવાનું શરૂ કર્યું હતું. 

અગાઉ પણ આવું કરી ચૂક્યા છે જૉ બાયડન

તાજેતરના વિડીયોમાં યુઝર્સે મિશ્ર પ્રતિક્રિયાઓ આપવાનું શરૂ કર્યું. થોડા જ કલાકોમાં તેને લગભગ 22 લાખ વાર જોવામાં આવ્યું છે. જોકે, આ પહેલીવાર નથી કે જ્યારે અમેરિકી રાષ્ટ્રપતિએ સ્ટેજ પર આવી કૃત્ય કર્યું હોય. આ પહેલા પણ બે વખત સ્ટેજ પર કોઈની સાથે હાથ મિલાવતા કે વાત કરતો વીડિયો વાયરલ થયો છે, જ્યારે ત્યાં કોઈ હાજર નહોતું.