IPLIN
 
  • Home
  • India
  • vice presidential election 2022 voting live updates

ચૂંટણી / ઉપરાષ્ટ્રપતિ ચૂંટણી માટે મતદાન: રાહુલ ગાંધી સહિત કોંગ્રેસના સાંસદોએ કર્યું મતદાન

Team VTV 11:55 AM, 06 Aug 22 | Updated: 02:10 PM, 06 Aug 22
Follow us
vice presidential election 2022 voting live updates

દેશના નવા ઉપરાષ્ટ્રપતિની ચૂંટણી માટે સંસદ ભવનમાં આજે મતદાન થઈ રહ્યું છે. જેમાં પીએમ મોદી, ગૃહમંત્રી અમિત શાહ સહિતના કેન્દ્રીય મંત્રીઓએ મતદાન કર્યું છે.

  • દેશને આજે મળશે નવા ઉપરાષ્ટ્રપતિ
  • સંસદ ભવનમાં મતદાન શરૂ થયું
  • પીએમ મોદી અને પૂર્વ પીએમ મનમોહન સિંહે કર્યું મતદાન

દેશના નવા ઉપરાષ્ટ્રપતિની ચૂંટણી માટે સંસદ ભવનમાં આજે મતદાન થઈ રહ્યું છે. મતદાન સવારે 10 વાગ્યાથી સાંજના 5 વાગ્યા સુધી ચાલુ રહેશે. તેના તુરંત બાદ મતગણતરી થશે અને મોડી સાંજ સુધીમાં ચૂંટણી અધિકારી દ્વારા નવા ઉપરાષ્ટ્રપતિના નામની જાહેરાત કરશે. આ ચૂંટણીમાં મુખ્ય ટક્કર એનડીએ ઉમેદવાર જગદીપ ધનખડ અને વિપક્ષ તરફથી માર્ગરટે અલ્વા સાથે થશે.

નાણામંત્રી નિર્મલા સીતારમણે વોટ કર્યો

કોંગ્રેસના કેટલાય સાંસદોએ વોટ કર્યો

રાહુલ ગાંધીએ કર્યો વોટ

કેન્દ્રીય મંત્રી નીતિન ગડકરી અને ધર્મેન્દ્ર પ્રધાને વોટ આપ્યો

રક્ષામંત્રી રાજનાથ સિંહ અને ભાજપ અધ્યક્ષ જેપી નડ્ડાએ વોટ આપ્યો


ઉપરાષ્ટ્રપતિ ચૂંટણી માટે રક્ષામંત્રી રાજનાથ સિંહ, કેન્દ્રીય વાણિજ્ય અને ઉદ્યોગ મંત્રી પીયુષ ગોયલ અને ભાજપના રાષ્ટ્રીય અધ્યક્ષ જેપી નડ્ડાએ વોટ આપ્યો છે. 

કેન્દ્રીય મંત્રી ગજેન્દ્ર સિંહ શેખાવત અને અર્જૂન રામ મેઘવાલે વોટ આપ્યો


કેન્દ્રીય જળશક્તિ મંત્રી ગજેન્દ્ર સિંહ શેખાવત અને કેન્દ્રીય સંસદીય કાર્ય અને સંસ્કૃતિ રાજ્યમંત્રી અર્જૂન રામ મેઘવાળે ઉપરાષ્ટ્રપતિ ચૂંટણી માટે મતદાન કર્યું છે. 


ગૃહમંત્રી અમિત શાહે વોટ આપ્યો

ઉપરાષ્ટ્રપતિ ચૂંટણી માટે કેન્દ્રીય ગૃહમંત્રી અમિત શાહે વોટ આ પ્યો છે. તેમની સાથે કેન્દ્રીય મંત્રી પ્રહલાદ જોશી, કેન્દ્રીય મંત્રી રાજીવ ચંદ્રશેખર અને કેન્દ્રીય મંત્રી જ્યોતિરાદિત્ય સિંધિયાએ પણ વોટ આપ્યો છે. 

ઉપરાષ્ટ્રપતિ ચૂંટણી માટે આજે વોટિંગ શરૂ થઈ ગયું છે. પ્રધાનમંત્રી નરેન્દ્ર મોદીએ પોતાનો મત આપ્યો છે. સંસદ ભવનમાં મતદાન થઈ રહ્યું છે. સંસદ ભવનમાં મતદાન માટે સાંસદો લાંબી લાઈનોમાં ગોઠવાઈ ગયા છે. ઉપરાષ્ટ્રપતિ ચૂંટવા માટે મતદાન પ્રક્રિયા સાંજના 5 વાગ્યા સુધી ચાલુ રહેશે. ત્યાર બાદ મતગણતરી કરવામાં આવશે.

પૂર્વ PM ડૉ. મનમોહન સિંહે સંસદમાં ઉપરાષ્ટ્રપતિ ચૂંટણી માટે કર્યું મતદાન

ઉપરાષ્ટ્રપતિ ચૂંટણીમાં 788 મતદારો

ઉપરાષ્ટ્રપતિની ચૂંટણી કરવા માટે લોકસભા અને રાજ્યસભાના સાંસદો પોતાનો વોટ આપે છે. ઉપરાષ્ટ્રપતિ ચૂંટણીમાં કુલ 788 વોટર છે. ઉપરાષ્ટ્રપતિ ચૂંટણીમાં જગદીપ ધનખડ અને માર્ગરેટ અલ્વામાંથી જેને પણ 394 વોટ મળશે, તેની જીત પાક્કી થશે. 

 

vice presidential election 2022 PM modi jagdeep dhankhar Margaret Alva
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ