PHOTO / વડોદરામાં મેઘરાજનું તાંડવ, તસવીરોમાં જુઓ પાણીમાં ડૂબેલું શહેર

• આજવા સરોવરના 6 દરવાજા ખોલવામાં આવ્યા
• ગોત્રી, ન્યૂ વીઆઇપી રોડ, સયાજીગંજ, અલકાપુરી, માંજલપુર, કારેલીબાગ સહિત અડધું શહેર પાણીમાં

વિશ્વામિત્રી નદી ગાંડીતૂર થઈ છે અને ભયજનક સપાટી વટાવી દીધી છે. 20 ઇંચ વરસાદ ખાબકતા સ્માર્ટ સિટી જળબંબાકાર બની ગયું છે. બીજી તરફ આજવા જળાશયની સપાટી વહેલી સવારે 212.45 ફુટે પહોંચતાં તેમાંથી પાણી છોડાઈ રહ્યું હોવાથી આજે સવારથી શહેરમાં પુરની સ્થિતિ સર્જાઇ છે.

વર્ષ 2005માં વડોદરા શહેરમાં એક જ દિવસમાં 12 ઇંચ વરસાદ પડતાં સમગ્ર શહેરમાં જળબંબાકાર સર્જાયો હતો અને ત્યાર બાદ ગઇકાલે વધુ એક વખત 14 કલાકમાં 20 ઇંચ વરસાદ પડતાં શહેરની સ્થિતિ કફોડી બની જવા જતાં જીવન અસ્તવ્યત થઇ ગયું છે.

વિશ્વામિત્રી નદીનાં કિનારે આવેલા વિસ્તારોમાં 1500 લોકોથી વધુ લોકોનું સ્થળાતંર કરવામાં આવ્યું છે. જ્યારે વરસાદે અત્યાર સુધીમાં 6 વ્યક્તિનો ભોગ લીધો છે.

ભારે વરસાદના પગલે જિલ્લા વહીવટી તંત્ર સતત ખડેપગે અને બચાવ કામગીરી શરૂ કરવામાં આવી છે. તેમજ જરૂરી વ્યવસ્થા પૂરી પાડવામાં આવી રહી છે.

શહેરમાં 20 ઇંચ જેટલો વરસાદ પડવાના કારણે જનજીવન ખોરવાય ગયું છે.  પાણીમાં ફસાયેલા લોકોનુ NDRF દ્વારા રેસ્ક્યુ કરવામાં આવી રહ્યું છે.

ભારે વરસાદ અને હજુ ભારે આગહીને લઇ સેનાના જવાનોને અલર્ટ રહેવા સુચના આપવામાં આવી છે અને અમદાવાદ મનપા અને અને સુરત મનપાની ટીમને પણ મદદ માટે બોલાવવામાં આવી છે.


વડોદરા શહેર અને આસપાસના વિસ્તારમાં ભારે વરસાદના પગલે પૂર જેવી સ્થિતિ સર્જાઈ છે. લોકોની મદદ માટે એનડીઆરએફની ટીમો કામ કરી રહી છે. 


ભારે વરસાદના કારણે રસ્તાઓ બંધ કરવામાં આવ્યા છે. તો લોકોની કિંમતી કમાણી પાણીમાં ડૂબી છે.

ભારે વરસાદના પગલે આવતી આપદાઓમાં બચાવ અને રાહતના કાર્યોમાં એનડીઆરએફ હંમેશા અગ્રેસર રહે છે. એનડીઆરએફ ભારે જહેમતથી લોકોના જીવ બચાવવાનું કાર્ય કરી રહી છે.