બ્લેકમેલ / વડોદરામાં પતિના મિત્રએ પરીણિતાનો અશ્લીલ વીડિયો ઉતાર્યો અને પછી...

• વડોદરાના સાવલીમાં પરિણીતાને પતિના મિત્રની મદદ લેવી પડી ભારે
• સ્નાન કરતો વીડિયો બનાવી બ્લેકમેઈલ કરી આચર્યું દુષ્કર્મ
• બાળકોને જાનથી મારી નાખવાની પણ આપી હતી ધમકી 

ભાદરવા પોલીસ મથકે મંજુસર ની 24 વર્ષીય પરણીતાએ પોતાની ફરિયાદમાં નોંધાવ્યું હતું  કે તેના પતિ ઈંગ્લીશ દારૂની હેરફેરમાં ભાદરવા પોલીસ મથકે લોકપમાં હતા તે વેળાએ પોતાના પતિના મિત્ર  જાહિદ વાઘેલા સાથે ટિફિન આપવા ગઈ હતી ત્યારબાદ પરણિતાના પતિને પાસા હેઠળ ભુજની જેલમાં મોકલી દેવાયો હતો.

પરીણિતા પોતાના ઘરમાં ન્હાતી હતી ત્યારે પોતાના પતિના મિત્ર જાહિદભાઈ રાયસંગભાઈ વાઘેલા રહે મંજુસર તાલુકા સાવલી નાએ પોતે પરણિત હોય અને બે સંતાનનો પીતાએ પરિણીતાનો વીડિયો ઉતારી લીધો હતો.

પરીણિતા સાથે દુષ્કર્મ આચર્યુ 

પરીણિતાના ઘરે જઈને વીડિયો બતાવીને બદ કામ કરવાની માગણી કરી હતી તે વેળાએ આરોપી શાહિદની સાથે તેનો મિત્ર દિલીપ તખત સિંહ વાઘેલા રહે મંજુસર પણ સાથે હતો અને બ્લેકમેલ કરીને પરિણીતા સાથે દુષ્કર્મ આચર્યું હતું.

મિત્રને ચોકી કરવા બેસાડતો

જાહિદ તેના મિત્રએ ઘરની બહાર બેસી કોઈ આવી ન જાય તે માટે શરત રાખતો હતો અને ધમકી આપેલી કે જો કોઈને કહ્યું છે તો તારા બંને બાળકોને મારી નાખીશ અને તારા પતિને કાયમ માટે ભુજની જેલમાં બંધ કરાવી દઈશ. ત્યારબાદ વારંવાર દુષ્કર્મ આચરી ને શારીરિક સંબંધ બાંધ્યા હતા.

પતિ જેલમાંથી છુટ્યોને થઈ પોલીસ ફરિયાદ

પરિણીતાનો પતિ જેલ માંથી પરત આવી જતા સમગ્ર હકીકત પોતાના પતિને જણાવતા પરણીતાએ ભાદરવા પોલીસ મથકે આરોપી જાહિદ વાઘેલા અને  ફરિયાદ નોંધાવતા ભાદરવા પોલીસે બંને આરોપી ઑ ને ઝડપી ને મેડિકલ ચેક અપ કરવાની તેમજ કોર્ટ માં રજૂ કરવા તજવીજ હાથ ધરી છે