અમેરિકાના સાંસદ લિંડસે ગ્રાહમે કહ્યું કે, કોઇએ રશિયાના પ્રમુખ વ્લાદિમીર પુતિનની હત્યા કરી દેવી જોઇએ. તેમની હત્યા બાદ જ આ જંગ રોકાઇ શકે છે.
અમેરિકાના સાંસદે પુતિનને લઈને આપ્યું આ નિવેદન
પુતિન કરી રહ્યા છે યુક્રેન પર આક્રમણ
ડોનાલ્ડ ટ્રમ્પને પણ વખોડ્યા
અમેરિકાના સાંસદ લિંડસે ગ્રાહમે કહ્યું કે, કોઇએ રશિયાના પ્રમુખ વ્લાદિમીર પુતિનની હત્યા કરી દેવી જોઇએ. તેમની હત્યા બાદ જ આ જંગ રોકાઇ શકે છે. તેમણે આ વાત ન્યૂઝ ચેનલના એક લાઇવ કાર્યક્રમમાં કહી હતી. દક્ષિણ કેરોલિનાના રિપબ્લિકન સાંસદ લિંડસેએ એમ પણ કહ્યું કે, પૂર્વ પ્રમુખ ડોનાલ્ડ ટ્રમ્પનું પુતિનને જિનિયસ કહેવું એક મોટી ભૂલ હતી.
Is there a Brutus in Russia? Is there a more successful Colonel Stauffenberg in the Russian military?
The only way this ends is for somebody in Russia to take this guy out.
You would be doing your country - and the world - a great service.
અહીં ઉલ્લેખનીય છે કે, રશિયા અને યુક્રેન વચ્ચે છેલ્લા એક અઠવાડિયાથી જંગ ચાલી રહ્યો છે. પુતિનનાં આ પગલાં બાદ રશિયા પર અમેરિકા સહિત ઘણા પશ્વિમી દેશોએ પ્રતિબંધ લગાવ્યો છે. લિંડસે ગ્રાહમે કહ્યું કે, રશિયામાં કોઇના માટે આ વ્યક્તિને બહાર કાઢવાની એક માત્ર રીત છે તેની હત્યા કરવી. જો એમ કરાય તો પછી આ દેશ અને દુનિયા માટે એક મહાન સેવા હશે. માત્ર રશિયાના લોકો જ આ કામ કરી શકે છે.
રશિયા પર લાગ્યા છે કેટલાય પ્રતિબંધો
અહીં ઉલ્લેખનીય છે કે, બિડેન પ્રશાસને ગઇ કાલે રશિયાના પ્રમુખ પુતિનના નજીકના કેટલાક લોકો પર નવા પ્રતિબંધોની જાહેરાત કરી છે. નવા પ્રતિબંધો હેઠળ પુતિનના પ્રેસ સચિવ દમિત્રી પેસકોવ અને રશિયાના મોટા ઉદ્યોગપતિ અલીશેર બુરહાનોવિચની સાથે જ પુતિનની વધુ એક નજીકની વ્યક્તિ પર નિશાન સાધવામાં આવ્યું છે. અમેરિકાના વિદેશ વિભાગે એ જાહેરાત પણ કરી છે કે ૧૯ રશિયન વેપારી અને તેમના પરિવારજનો તેમજ સંબંધીઓ પર વિઝા પ્રતિબંધો મૂકવામાં આવ્યા છે.
અર્થવ્યવસ્થાની કમર તૂટી
અમેરિકાના પ્રમુખ જો બિડેન અને તેના સહયોગી દેશોએ યુક્રેન પર હુમલો કરવા બદલ રશિયા વિરુદ્ધ વૈશ્વિક અર્થવ્યવસ્થા અને આર્થિક પ્રતિબંધોને હથિયાર બનાવ્યાં છે. તેનાં પરિણામ સ્વરૂપે ખૂબ જ તેજીથી તેની અર્થવ્યવસ્થાની કમર તૂટી રહી છે.