બિલ / USએ ચીનને આપ્યો મોટો ઝટકો, જિનપિંગની ધમકીની ન થઇ કોઇ અસર, પાસ કર્યું આ બિલ

• ચીન અને US વચ્ચે ટ્રેડવોર દરમિયાન ટકરાવ વધ્યો
• અમેરિકી ગૃહમાં સર્વસમ્મતિથી 'હોન્ગ કોન્ગ હ્યૂમન રાઇટ્સ એન્ડ ડેમોક્રેસી એક્ટ' બિલ પાસ કરાયું
• અમેરિકાએ ચીન વિરુદ્ધ હોન્ગ કોન્ગના પ્રદર્શનકારીઓના સમર્થનમાં બિલ પાસ કર્યું

આ બિલ હેઠળ એ નક્કી કરવામાં આવશે કે હોન્ગ કોન્ગને બીજિંગથી પૂરતી સ્વાયત્તતા મળી છે કે નહીં અને આ આધારે અમેરિકી કાનૂન હેઠળ હોન્ગ કોન્ગના વિશેષ વ્યાપારિક દરજ્જા વિશે વિચાર કરવામાં આવશે. 

અમેરિકાના હાઉસ ઓફ રિપ્રેજેન્ટેટિવમાં સર્વસમ્મતિથી 'હોન્ગ કોન્ગ હ્યૂમન રાઇટ્સ એન્ડ ડેમોક્રેસી એક્ટ' પાસ કરાયું. આ બિલ હેઠળ હોન્ગ કોન્ગની સ્વાયત્તતા અને મૂળ સ્વતંત્રતાને ખતરામાં નાંખનાર અધિકારીઓ પર પ્રતિબંધ લગાવવાની પણ જોગવાઇ કરવામાં આવી છે. આ પહેલા, અમેરિકાએ ચીનના શિનજિયાંગ પ્રાન્તના મુસ્લિમોને ધરપકડ કરી ખાસ પ્રકારના કેન્દ્રમાં રાખવાને લઇને કેટલાક ચીની અધિકારીઓના વિઝા પર પ્રતિબંધ લગાવ્યો હતો.

નોંધનીય છે કે, ચીને હોન્ગ કોન્ગને 2047 સુધી સ્વાયત્તતા આપવાનો વાયદો કર્યો હતો પરંતુ અસલમાં ચીન તેના પર પોતાની પકડ વધુ મજબુત કરવાની કોશિશ કરી રહ્યું છે. હોન્ગ કોન્ગના એક્ટિવિસ્ટનું કહેવું છે કે શી જિનપિંગના નેતૃત્વમાં કોમ્યુનિસ્ટ પાર્ટી હોન્ગ કોન્ગના લોકોના મૂળ અધિકાર છીનવી રહ્યું છે. હોન્ગ કોન્ગની સ્વતંત્ર ન્યાયિક વ્યવસ્થાને પણ ચીન પોતાના નિયંત્રણમાં લેવા માંગે છે. તેથી ચીન અને તેની સમર્થક હોન્ગ કોન્ગની સ્થાનીય સરકારના વિરોધમાં લોકતંત્રના સમર્થક રસ્તાઓ પર ઉતરીને પ્રદર્શન કરી રહ્યા છે. 

ચીનના રાષ્ટ્રપતિ શી જિનપિંગ જ્યારે નેપાળ પહોંચ્યા તો તેમને ચેતવણી આપી હતી કે જે ચીનને તોડવાની કોશિશ કરશે, તેને કચડી નાંખવામાં આવશે. તેમના આ નિવેદનને અમેરિકા સાથે જોડીને જોવાઇ રહ્યું છે.  

અમેરિકાના આ પગલાનું ચીનની સરકારે વિરોધ કર્યો છે અને કહ્યું કે આ ચીનના આંતરીક મામલામાં હસ્તક્ષેપ છે. ચીનના વિદેશ મંત્રાલયના પ્રવક્તા ગેન્ગ શુઆંગે કહ્યું કે, ચીન ભાર દઇને કહે છે કે અમેરિકી કોંગ્રેસના લોકોએ હોન્ગ કોન્ગના બિલ પર તાત્કાલિક આગળ વધવાનં બંધ કરે અને ચીન-અમેરિકાના સંબંધોને વધુ ખરાબ થતા રોકી લે.

ગેન્ગે કહ્યું, હોન્ગ કોન્ગમાં જે કંઇપણ થઇ રહ્યું છે, તે માનવાધિકારો અને લોકતંત્રનો મુદ્દો નથી પરંતુ હિંસા રોકવા અને કાનૂન વ્યવસ્થા લાગૂ કરવાનો છે. અમેરિકાને ચેતવણી આપતા ગેન્ગે કહ્યું કે, હોન્ગ કોન્ગના પ્રસ્તાવિત બિલને રોકવા માટે ચીન કડક પગલા ભરશે.