કેન્દ્રીય મંત્રીએ કહ્યું છે કે 2023ના અંત સુધી 6જી લોન્ચ થઈ શકે છે. માનવામાં આવી રહ્યું છે કે તેનાથી ઈન્ટરનેટની દુનિયામાં મોટો ફેરફાર જોવા મળશે.
મોદી સરકારના આ નિર્ણયથી બદલાઈ જશે ઈન્ટરનેટની દુનિયા
6જી માટે જાણો શું છે તૈયારીઓ
2024 સુધી થઈ શકે છે લોન્ચ
કેન્દ્રીય સંચાર મંત્રી અશ્વિની વૈષ્ણવે 23 નવેમ્બર મંગળવારે કહ્યું કે ભારત 6જી ટેકનોલોજીને વિકસિત કરવાની દિશામાં આગળ વધી રહ્યો છે. જેનો લક્ષ્ય 2023ના અંત સુધી અથવા 2024ની શરૂઆતમાં તેને લોન્ચ કરવાનો છે. એક કાર્યક્રમમાં અશ્વિની વૈષ્ણવે જણાવ્યું કે 6જી ટેકનોલોજીને વિકસિત કરવાનું કામ પહેલાથી જ શરૂ થઈ ચુક્યું છે. તેને અમે ભારતમાં જ તૈયાર કરીશું.
ઈન્ટરનેટની દુનિયામાં મોટા ફેરફાર
તેમણે જણાવ્યું કે આ ટેકનોલોજીને લઈને જે પણ જરૂરી ઉપકરણ હશે તેને ભારતમાં જ બનાવવામાં આવશે. તેને 2023 અથવા 2024માં જોઈ શકાશે. સંચાર મંત્રીએ એવું પણ કહ્યું કે આ ટેકનોલોજીને ભારતમાં શરૂ કર્યા બાદ વિશ્વભરમાં તેને વહેચવામાં આવશે. જણાવી દઈએ કે જે રીતે 4જી, 5જીને લઈને ઈન્ટરનેટની દુનિયાની વિકાસની ગતિમાં ફેરફાર થઈ રહ્યો છે. તેને જોતા જ સ્પષ્ટ છે કે 6જીના આવવાથી એક વખત ફરી ઈન્ટરનેટની દુનિયામાં મોટા ફેરફાર થશે.
કેન્દ્રીય મંત્રીએ કહ્યું, "6જી વિકાસ પહેલા જ શરૂ થઈ ચુક્યો છે. અમે ભારતમાં નેટવર્ક ચલાવવા માટે ટેલીકોમ સોફ્ટવેર, ભારતમાં નિર્મિત દૂરસંચાર ઉપકરણ ડિઝાઈન કર્યું છે જેને વૈશ્વિક કરવામાં આવી શકે છે."
સ્વદેશી 5જી લોન્ચ કરવાની પણ તૈયારી
એક ઓનલાઈન એજન્ડા-સેટિંગ વેબિનારમાં તેમણે જણાવ્યું આ ટેકનોલોજી માટે જરૂરી સામગ્રીઓ પહેલા જ આપવામાં આવી ચુકી છે. અમારા વૈજ્ઞાનિક અને એન્જિનિયર તેના પર કામ કરી રહ્યા છે.
આગળ જણાવતા તેમણે કહ્યું- ન ફક્ત 6જી ટેકનોલોજી પર કામ થઈ રહ્યું છે પરંતુ ભારત પોતે સ્વદેશી 5જી લોન્ચ કરવાની પણ તૈયારી કરી રહ્યું છે. કેન્દ્રીય મંત્રીએ જણાવ્યું કે આવનાર વર્ષમાં બીજા ત્રણ મહિનામાં 5જી સ્પેક્ટ્રમના ઓક્શનની તૈયારી શરૂ કરવામાં આવશે. તેના માટે ટ્રાય સાથે સંપર્ક કરવામાં આવ્યો છે. ટ્રાય તેના માટે સુચનો આપી રહ્યું છે. જે આવતા વર્ષના ફેબ્રુઆરી-માર્ચ સુધી પુરી થઈ જશે. જ્યાર બાદ 2022ના બીજા ત્રણ મહિનામાં ઓક્શનની પ્રક્રિયાને શરૂ કરવામાં આવી શકે છે.