બેરોજગાર ગુજરાત / રોજગારીની પોકળ વાતો કરતી ગુજરાત સરકારે બે વર્ષમાં માત્ર 5 હજારને જ નોકરી આપી

4 લાખથી વધુ વિદ્યાર્થીઓ બેરોજગાર

ગુજરાતમાં બેકારોની નોંધણી અને નોકરીની વ્યવસ્થા સંભાળતા રોજગાર વિનિયમ બ્યૂરોના લાઈવ રજિસ્ટરમાં 4 લાખથી વધુ શિક્ષીત બેરોજગાર હોવાનું નોધાયું છે.  આ આંકડાઓ જ ગુજરાતમાં નોકરીની સ્થિતિના હાલ જણાવી દે છે. રાજ્યમાં છેલ્લા બે વર્ષમાં 4 લાખ શિક્ષિત બેરોજગાર નોંધાયા છે. 

ડાંગ જિલ્લામાંથી 1 બેરોજગારને સરકારી નોકરી મળી

આ 4 લાખમાંથી માત્ર 5 હજાર લોકોને જ સરકારી નોકરી મળી છે. એટલે કે બાકીના 3 લાખ 95 હજાર લોકોની હજુ પણ બેરોજગાર છે. જે આંકડા સામે આવ્યા છે તે પણ ચોંકાવનારા છે. રાજ્યમાં તાપી અને જામનગરમાંથી 2-2 લોકોને સરકારી નોકરી મળી છે. જ્યારે ડાંગ જિલ્લામાંથી 1 બેરોજગારને સરકારી નોકરી મળી છે. 

તો બીજી તરફ વડોદરા, સુરત, ખેડા, નવસારી, દાહોદ, નર્મદા અને મોરબીમાં એક પણ બેરોજગારને સરકારી નોકરી મળી નથી. આ આંકડાઓ સરકારના રોજગારી આપવાના દાવાને પોકળ સાબિત કરી રહ્યા છે.