છેલ્લા 24 કલાકમાં યૂકેમાં 1041 લોકોના મોત કોરોનાના કારણે થયા છે. યૂકેના હેલ્થ ડિપાર્ટમેન્ટના આધારે મહામારીમાં જીવ ગુમાવનારાની કુલ સંખ્યા 77,346 થઈ ચૂકી છે. અહીંમાં કોરોના વાયરસના 62322 નવા કેસ સામે આવ્યા છે. દેશમાં અત્યાર સુધીમાં 4 લાખથી વધારે કેસ આવી ચૂક્યા છે.
યૂકેમાં વધ્યો કોરોનાના નવા સ્ટ્રેનનો કહેર
1 દિવસમાં કોરોનાનો મૃત્યુઆંક 1041 થયો
યૂકેમાં કુલ 4 લાખથી વધારે કેસ
વેક્સીનેશન કાર્યક્રમમાં લાવવી પડશે ઝડપ
આ સમયે બ્રિટનના પીએમ બોરિસ જોનસને કોરોના વાયરસ સંક્રમણના આંકજા જાહેર કરતાં કહ્યું છે કે વેક્સીનેશન કાર્યક્રમમાં ઝડપ લાવવી પડશે જેથી લગાવવામાં આવેલા લોકડાઉન પરથી પ્રતિબંધો હટાવી શકાય. તેઓએ કહ્યું કે દેશમાં 80ની ઉંમરથી વધારે 23 ટકા લોકો છે જે કોરોનાની વેક્સિન લગાવી ચૂક્યા છે. તેનો અર્થ એ છે કે દેશમાં જેમને કોરોના વાયરસની વેક્સિનની સૌથી વધારે જરૂર છે તેમને આ વેક્સિન મળી ચૂકી છે.
નવો સ્ટ્રેન દક્ષિણ પૂર્વ બ્રિટનમાં સૌથી પહેલાં જોવા મળ્યો
ઉલ્લેખનીય છે કે બ્રિટનમાં જે સ્ટ્રેન મળ્યો છે તે મૂળ જેનેટિક મટેરિયલના સાથે તો છે અને સાથે મજબૂત પણ છે. તે ઝડપથી ફેલાય છે. ઓછામાં ઓછા હાલમાં બ્રિટનમાં તો આ જ વાયરસ જોવા મળી રહ્યો છે. વર્લ્ડ હેલ્થ ઓર્ગેનાઈઝેશનના આધારે નવા પ્રકારનો વાયરસ દક્ષિણ પૂર્વ બ્રિટનમાં પહેલા જોવા મળ્યો હતો. હવે તેના કેસ સતત વધી રહ્યા છે. વૈજ્ઞાનિકોએ કહ્યું છે કે આ વાયરસ સપ્ટેમ્બરથી જ સક્રિય થઈ ચૂક્યો હતો. નવા વાયરસના સ્ટડી કરી રહેલા વૈજ્ઞાનિકોએ કહ્યું કે કોરોના વાયરસની શરૂઆતથી અત્યાર સુધીમાં 23 વાર મ્યુટેશનની પ્રક્રિયાથી પસાર થઈ ચૂક્યો છે. આ સમયે અનેક મ્યુટેશનમાં કોરોના વાયરસ ખતરનાક થયો નથી. પણ આ નવો પ્રકાર સંક્રમણની રીતે ઘાતક છે. ઉલ્લેખનીય છે કે આ નવા પ્રકાર સ્ટ્રેનથી સાવધાની રાખવા માટે બ્રિટનના પીએમ બોરિસ જોનસને હાલમાં કડક લોકડાઉન જાહેર કર્યું છે.
બ્રિટન બાદ અહીં પણ લાગૂ થયું લોકડાઉન
કોરોના વાયરસ મહામારી રોકાવાનું નામ નથી લઈ રહી, વાયરસ સામે જ્યાં અત્યારે ઘણા બધા દેશોમાં રસી આપવાની શરૂઆત કરવામાં આવી છે છતાં બ્રિટનના કોરોના વાયરસના નવા સ્વરૂપના કારણે વિશ્વભરની ચિંતા માં વધારો થઈ રહ્યો છે. બ્રિટનમાં જ્યાં એક તરફ લોકોને રસી આપવામાં આવી રહી છે ત્યાં બીજી તરફ કેસ એ સ્તર પર વધ્યા છે કે લોકડાઉન વધારવાની ફરજ પડી છે. બ્રિટનની જેમ જ જર્મનીમાં પણ વાયરસનો કહેર જોવા મળી રહ્યો છે જે બાદ આ મહિનાના અંત સુધી લોકડાઉન લંબાવી દેવામાં આવ્યું છે.