સાબરકાંઠાના વિજયનગરના પોળો ફોરેસ્ટ ખાતે ન્હાવા પડેલા 2 યુવકોનું ડૂબી જવાથી થયું મોત, બંને યુવકોના મૃતદેહને સ્થાનિકોએ બહાર કાઢ્યા
વિજયનગરના પોળો ફોરેસ્ટમાં 2 યુવક ડૂબ્યા
ન્હાવા પડેલા બે યુવાનોના ડુબી જવાથી મોત
બંને યુવકોના મૃતદેહને સ્થાનિકોએ બહાર કાઢ્યા
સાબરકાંઠાના વિજયનગરના પોળો ફોરેસ્ટમાં 2 યુવકનું ડૂબી જવાથી મોત નિપજ્યું છે. ન્હાવા પડેલા બંને યુવકોના મોતથી ખળભળાટ મચ્યો છે. સ્થાનિક લોકોએ બંને યુવકોના મૃતદેહ પાણીમાંથી બહાર કાઢ્યા હતા.
2 દિવસ અગાઉ ત્રણ યુવતીઓનું ડૂબી જવાથી થયું હતું મોત
રાજકોટ જિલ્લાના શાપર વેરાવળના કાંગશીયાળી ગામે ચેકડેમમાં ન્હાવા પડેલા 5 લોકો પૈકી 3 યુવતીના મોત થતા શોકમય વાતાવરણ ફેલાયું હતું. ઘટનાની જાણ થતા સ્થાનિક પોલીસ અને ફાયરબ્રિગેડ પણ ઘટનાસ્થળે પહોંચ્યું હતું. ચેક ડેમમાં એકસાથે 5 લોકો પડ્યા હતા. જેમાંથી ત્રણ યુવતીઓએ જીવ ગુમાવ્યો છે. દેવીપૂજક પરિવારની કોમલ દેવીપૂજક, જેની ઉંમર માત્ર 18 વર્ષ હતી. તો 24 વર્ષની સોનલ અને 35 વર્ષના મિઢુરબેનનું પણ મોત નિપજ્યું છે. આ ચેકડેમ ઢોલરા-કાંગશીયાલી નજીક આવેલો છે.
જો કે, ત્રણેય યુવતીઓ કેવી રીતે અચાનક ડૂબી ગઈ તેને લઈ ચર્ચા હતી. જો કે, ફાયર વિભાગે અન્ય બે મહિલાઓને સલામત રીતે બહાર કાઢી હતી. ત્રણેય યુવતીઓના મોતની જાણ તેમના પરિવારને કરાઈ હતી. ત્રણેયના પરિવારમાં એકાએક માતમનું વાતાવરણ છવાયું છે.