બ્રિટેનમાં રેહતી ક્રિસ્ટી મેકડોનાલ્ડ સાથે એવી ઘટના બની કે, વાંચીને તમે આશ્ચર્યચકિત થઇ જશો.
બાથરૂમમાંથી અજીબ અવાજો આવતા ડરી ગઈ મહિલા
જઈને જોયું તો પગ નીચેથી જમીન સરકી ગઈ
પોલીસે આખી બાબતને હસીને નકારી કાઢી
રાતના 2 વાગે બાથરૂમમાંથી અજીબ અવાજો આવી રહ્યા હતા
રાતના 2 વાગ્યા જેવા બાથરૂમમાંથી અજીબ અવાજો આવતા ક્રિસ્ટીની આંખ ખુલી ગઈ હતી. ઘરમાં માત્ર 2 લોકો જ રેહતા હતા અને બંને સુઈ રહ્યા હતા તો બાથરૂમમાં કોણ હશે એ વિચારતા વિચારતા ક્રિસ્ટી બાથરૂમ તરફ જઈ રહી હતી. બાથરૂમમાં જઈને ક્રિસ્ટીએ કંઈક એવું જોયું કે જેનાથી તેમના પગ નીચેથી જમીન સરકી ગઈ.
જઈને જોયું તો આખો બાથરૂમ ગંદો હતો
ક્રિસ્ટીને લાગ્યું કે, તેમના ઘરમાં ચોર ઘુસી આવ્યા છે. તે બાથરૂમ તરફ જતા જ હતા કે 2 માણસોને સીડીઓ પરથી ભાગતા જોયા. ત્યારબાદ ક્રિસ્ટી વધારે ડરી ગઈ. ઘરમાં જોયું તો બધી જ કિમતી વસ્તુઓ અને રૂપિયા સલામત હતા પરંતુ આખા ઘરમાંથી ખરાબ વાસ આવી રહી હતી. ક્રિસ્ટીએ બાથરૂમમાં જઈને જોયું તો આખો બાથરૂમ ગંદો હતો. 2 લોકો ક્રિસ્ટીના ઘરમાં આવ્યા કોઈપણ વસ્તુને હાથ લગાવ્યા વગર માત્ર બાથરૂમનો ઉપયોગ કરીને જતા રહ્યા. આ વાત નવાઈ પમાડે તેવી છે.
ઘટના જાણીને પોલીસ હસવા લાગી
ક્રિસ્ટીએ પોલીસને આ વાતની જાણ કરીતો પોલીસ પણ હસવા લાગી કે, પહેલી વાર આવી ઘટના સાંભળી છે અને આ ઘટનામાં કોઈ અપરાધ સાબિત થતો નથી. ક્રિસ્ટીને અડધી રાતે આખું ઘર સાફ કરવું પડ્યું. તે આ વાતથી ખુશ છે કે, ઘરની તમામ કિમતી વસ્તુઓની ચોરી થઇ નથી પરંતુ આવી ઘટના ફરીથી પણ બની શકે છે તે માટે ચિંતિત પણ છે.
સામાન્ય જણાતી ઘટના મોટી ઘટના પણ બની શકતી હતી
આ ઘટનાથી ઘણા બધા સવાલો ઉભા થાય છે જેમ કે, 2 લોકો રાત્રે 2 વાગે અજાણ્યા ઘરમાં માત્ર બાથરૂમ જવા માટે કેમ ઘુસ્યા! એવું બની શકે કે, ક્રિસ્ટીને જાગેલી જોઇને ચોરી કરવાના ઈરાદાથી ઘુસેલા આ 2 ચોરે પોતાના નિર્ણયને બદલી નાંખ્યો હોય. પોલીસનું આખી ઘટનાને હસીને નકારી નાખવું દર્શાવે છે કે, પોલીસ આખી બાબતને હળવાશથી લઇ રહી છે. આ સામાન્ય જણાતી ઘટના મોટી ઘટનાની ચેતવણી પણ હોઈ શકે છે.