હવે ટ્વિટર યુઝર્સ માટે સારા સમાચાર છે. ટ્વિટરના નવા સીઈઓ એલોન મસ્કે મોટી જાહેરાત કરી છે. એલોન મસ્કે એક ટ્વિટમાં જણાવ્યું હતું કે હવે કંપની જાહેરાતથી થતી કમાણીને ક્રિએટર્સ સાથે શેર કરશે. મસ્કે કહ્યું કે કંપની ટ્વીટ થ્રેડની વચ્ચે જાહેરાતો અથવા વીડિયો સાથે આવતી જાહેરાતોથી થતી કમાણીને કન્ટેન્ટ ક્રિએટર સાથે શેર કરશે અને લોકો પૈસા કમાઈ શકશે. તેની શરૂઆત 3 ફેબ્રુઆરી 2023થી થઈ છે.
Starting today, Twitter will share ad revenue with creators for ads that appear in their reply threads
કેવી રીતે મળશે લોકોને પૈસા
તેમણે કહ્યું કે ટ્વિટર જાહેરાતોથી થતી કમાણીને તેના કેટલાક કન્ટેન્ટ ક્રિએટર્સ સાથે શેર કરવાનું શરૂ કરશે. મસ્કે કહ્યું કે, શુક્રવારથી ક્રિએટરના રિપ્લાય થ્રેડ પર દેખાતી જાહેરાતોથી થતી કમાણી શેર કરવામાં આવશે. આ માટે યૂઝર્સને બ્લૂ વેરિફાઇડ સબસ્ક્રાઇબર્સ હોવા જરૂરી છે. જો કે મસ્કે આવકના એ ભાગ વિશે માહિતી આપી નથી જે યુઝર્સ સાથે શેર કરવામાં આવશે.
બ્લૂ ટીકવાળાને મળશે પૈસા
કંપની જાહેરાતોથી થતી કમાણીનો હિસ્સો માત્ર એ જ યૂઝર્સને આપશે જેમણે ટ્વિટર બ્લૂ સબસ્ક્રાઇબ કર્યું છે. એટલે કે સામાન્ય યુઝર્સને તેનો ફાયદો નહીં થાય. એલન મસ્કે પહેલા ટ્વિટર બ્લૂ માટે લોકો પાસેથી પૈસા લીધા હતા, હવે તે તેમને પૈસા કમાવવાની તક આપી રહ્યા છે. કંપની કેટલી કમાણી ક્રિએટર્સને આપશે અથવા તેના માટે શું પોલિસી હશે તેની માહિતી હજુ સુધી ખુલીને સામે આવી નથી. માનવામાં આવી રહ્યું છે કે એલન મસ્કના આ પગલાથી ટ્વિટર બ્લૂના ગ્રાહકોની સંખ્યામાં વધારો થશે કારણ કે કંપની આ લોકો સાથે જ આવક શેર કરશે.
ટ્વિટર બ્લુ બ્લુથી સરળતાથી ઉપલબ્ધ
ટ્વિટર બ્લૂ પર સબસ્ક્રાઇબ કરીને, તમે એકાઉન્ટ પર સરળતાથી બ્લુ ટિક મેળવી શકો છો. આ ઉપરાંત અન્ય ઘણા ફાયદા પણ ટ્વિટર બ્લૂ યુઝર્સને મળે છે. જો કે આ સુવિધા હાલમાં ભારતમાં ઉપલબ્ધ નથી, પરંતુ કંપનીએ આ સેવા અમેરિકા, કેનેડા, ઓસ્ટ્રેલિયા, ન્યૂઝીલેન્ડ, જાપાન, યુકે, સાઉદી અરેબિયા, ફ્રાન્સ, જર્મની, ઇટાલી, પોર્ટુગલ અને સ્પેન વગેરે દેશોમાં શરૂ કરી છે. ટ્વિટર ટ્વિટર બ્લૂ માટે એન્ડ્રોઇડ અને આઇઓએસ યૂઝર્સને દર મહિને 11 ડોલર ચાર્જ કરે છે, જ્યારે વેબ યૂઝર્સને દર મહિને 8 ડોલર ચૂકવવા પડે છે.