IPLIN
 
  • Home
  • વિશ્વ
  • Tsunami waves triggered by undersea volcanic eruption hit Tonga, videos go viral

વાયરલ / VIDEO : દરિયામાં ફાટ્યો ભયંકર જ્વાળામુખી, આખા ટાપુ પર આવી સુનામી, વીડિયો જોઈને છળી મરશો

Team VTV 08:25 PM, 15 Jan 22
Follow us
Tsunami waves triggered by undersea volcanic eruption hit Tonga, videos go viral

ન્યૂઝીલેન્ડ નજીકના દેશ ટોંગાના દરિયામાં એક ભયાનક જ્વાળામુખી ફાટતા આજુબાજુના દેશોમાં તેનો અવાજ સંભળાયો હતો.

  • ન્યૂઝીલેન્ડ નજીકના દેશ ટોંગાના દરિયામાં ફાટ્યો જ્વાળામુખી
  • જ્વાળામુખી ફાટકા સુનામીની ચેતવણી
  • ફાટતા જ્વાળામુખીની તસવીર સેટેલાઈટે ઝડપી
  • વીડિયો વાયરલ

ટોંગાના હુંગા નામનો જ્વાળામુખી શનિવારે એક જોરદાર વિસ્ફોટ સાથે ફાટ્યો હતો. વિસ્ફોટ એટલો ઝડપી હતો કે આજુબાજુના દેશોમાં પણ તેનો અવાજ સંભળાયો હતો. દરિયામાં ટોંગા જ્વાળામુખી સક્રિય થતા શનિવારે સુનામીનું એલર્ટ જારી કરવામાં આવ્યું છે. નુકુઆલોફઆ સહિત મુખ્ય દ્વિર ટોંગટાપુમાં પણ સુનામીની લહેર ટકરાઈ હતી. દરિયામાં ટોંગા જ્વાળામુખી ફાટવાનો એક વીડિયો સોશિયલ મીડિયામાં વાયરલ થયો હતો. દરિયામાં જ્વાળામુખી ફાટ્યા બાદ ધુમાડાના ગોટેગોટા બહાર નીકળતા જોવા મળ્યાં હતા. જ્વાળામુખી ફાટતા ટાપુ પર રહેતા લોકોને સલામત સ્થળે ખસેડી દેવાયા છે. હાલમાં જાનમાલને કોઈ નુકશાન થયું હતં. 

જ્વાળામુખી ફાટવાથી સુનામીની ચેતવણી
ટોંગા હવામાનશાસ્ત્ર સેવાએ જણાવ્યું હતું કે સમગ્ર ટોંગા માટે સુનામી ચેતવણી અમલમાં છે, અને પેસિફિક સુનામી ચેતવણી કેન્દ્રના ડેટાએ 80 સેમી જેટલા ઊંચા મોજાઓ શોધી કાઢ્યા છે. નજીકના ફિજી અને સમોઆના સત્તાવાળાઓએ પણ ચેતવણીઓ જારી કરી છે અને લોકોને મજબૂત અને ખતરનાક મોજાઓને ધ્યાનમાં રાખીને બીચ નજીક ન જવાની સૂચના આપી છે. ટોંગામાં લગભગ 1,05,000 લોકો રહે છે. પોલીસ અને સૈન્ય દળોના કાફલાએ ટોંગાના રાજા તૌપો VI ને બીચ નજીકના તેમના મહેલમાંથી બહાર કાઢ્યા હતા. રાજા તૌપો VI સહિત ઘણા રહેવાસીઓને ઉપરના વિસ્તારોમાં ખસેડવામાં આવ્યા છે.

આકાશમાંથી કાંકરા અને રાખનો વરસાદ
ડૉ. ફેકીલોએટોંગા તૌમોફોલાઉ નામના ટ્વિટર યુઝરે એક વીડિયો શેર કર્યો છે જેમાં મોજાઓ કિનારાને પાર કરીને રહેણાંક વિસ્તારમાં જતા જોવા મળે છે. તેણે લખ્યું કે હું ખરેખર જ્વાળામુખી ફાટવાનો અવાજ સાંભળી શકું છું, તે ખૂબ જ ખતરનાક લાગે છે. રાખ અને નાના કાંકરા વરસી રહ્યા છે, આકાશ અંધારું છે. અગાઉ, માતંગી ટોંગા ન્યૂઝ સાઇટે અહેવાલ આપ્યો હતો કે શુક્રવારે વહેલી સવારે જ્વાળામુખી સક્રિય થયા પછી વૈજ્ઞાનિકોએ મોટા વિસ્ફોટ, ગર્જના અને વીજળી જોઈ હતી.

સેટેલાઇટ તસવીરોમાં સમુદ્રમાં ધુમાડાના ગોટેગોટા ઉછળતા જોવા મળ્યા હતા
ઉપગ્રહમાંથી મેળવેલી તસવીરો આકાશમાં લગભગ 20 કિલોમીટર (12 માઈલ)ની ઉંચાઈ સુધી ધુમાડાના ગોટેગોટા ઉછળતા દર્શાવે છે. તે જ સમયે, ન્યુઝીલેન્ડના અધિકારીઓ, જે 2,300 કિલોમીટર (1,400 માઇલ) થી વધુ દૂર સ્થિત છે, વિસ્ફોટને કારણે વાવાઝોડાની ચેતવણી આપી હતી.

Tonga Volcano Eruption Tonga Volcano volcanic eruption hit Tonga ટોંગા જ્વાળામુખી ટોંગા જ્વાળામુખી ફાટ્યો
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ