રેસિપી / ભાખરી, પરાઠા, પૂરીથી કંટાળ્યા છો, ટ્રાય કરો આ ખાસ રેસિપિ

બટર નાન

સામગ્રી

 
-એક કપ મેંદો
-પા ચમચી બેકિંગ પાઉડર
-ચાર ચમચા દહીં
-એક ચમચી મીઠું
-પચાસ ગ્રામ માખણ
-થોડું શાહજીરું (કલોંજી)   

રીત 

મેંદામાં બધી સામગ્રી નાંખીને નરમ બાંધી લો. તેલ લગાવીને સાત- આઠ મિનિટ વધુ મસળો. તેલ લગાવીને બંધ વાસણમાં એક કલાક અથવા મિશ્રણ ફૂલીને બમણું થાય ત્યાં સુધી મૂકી રાખો. ફરી વાર મસળો અને નાના નાના લૂઆ બનાવી ઢાંકીને મૂકી દો. તે ફરી ફૂલી જશે. માખણને નરમ કરી લો. પ્રત્યેક લૂઆને વણી તેના પર માખણ લગાવીને પડ બનાવો અને તેને ફરીથી વણી લો. નાન વણીને તેના પર થોડું શાહજીરું લગાવો. પહેલેથી જ ગરમ કરેલા ઓવનમાં શેકો. માખણ લગાવીને પીરસો.  

જો તમને કોથમીરનો ટેસ્ટ પસંદ હોય તો તમે તેની પર તેને શેકતી સમયે ભભરાવી શકો છો. તેનાથી તેનો કલર સારો લાગે છે. આ સાથે આ નાનની સાથે કોઈ પણ ગ્રેવીવાળું શાક કે પનીરનું શાક બનાવી શકાય છે. બાળકો આ નાન આવા શાકની સાથે હોંશે હોંશે ખાઈ લેતા હોય છે. અને તેનાથી થાળીને અલગ ટ્વિસ્ટ પણ મળી જાય છે. તો તમે આજના લંચ કે ડિનરમાં આ નાનને કરી લો ટ્રાય અને માણો મજા.