ખુશખબર / ઓક્સફોર્ડ - સ્પૂતનિક નહીં પણ સૌથી પહેલા મળશે આ કંપનીની કોરોનાની રસી

• આ વર્ષના અંત સુધીમાં અમેરિકામાં રસી સામાન્ય લોકોને મળે
• ફાઈઝરની રસી જલ્દી સફળ થવાના સમાચાર મળ્યા છે
• સૌથી પહેલા વૃદ્ધ લોકો અને મેડિકલ વર્કર્સને રસી આપવામાં આવશે

અત્યાર સુધીમાં અનેક કોરોનાની રસીએ સફળ રહ્યાની જાહેરાત કરી છે પરંતુ હજું સુધી એક પણ રસી સામાન્ય લોકો માટે ઉપલબ્ધ થઈ શકી નથી. ઓક્સફોર્ડ યુનિવર્સિટીની રસીથી દુનિયાને ઘણો ફાયદો થવાની આશા છે.  પરંતુ કેટલાક કારણોથી આ રસી માટેના ટ્રાયલ રોકવા પડ્યા છે. બ્રિટનમાં ફરી ટ્રાયલ શરુ કરવાની મંજુરી મળી ગઈ છે પરંતુ અમેરિકામાં ઓક્સફોર્ડનું ટ્રાયલ ફરી શરુ થઈ શક્યુ નથી. આ દરમિયાન ફાઈઝરની રસી જલ્દી સફળ થવાના સમાચાર મળ્યા છે.

આ પહેલા સોમવારે વ્હાઈટ હાઉસના એક અધિકારીએ કહ્યું કે સૌથી વધારે ખતરાનો સમાનો કરનારા અમેરિકનો માટે ડિસેમ્બરમાં રસી આવી શકે છે. અધિકારીઓનું કહેવું છે કે સૌથી પહેલા વૃદ્ધ લોકો અને મેડિકલ વર્કર્સને રસી આપવામાં આવશે.

ઉલ્લેખનીય છે કે અમેરિકન સ્વાસ્થ્ય સંસ્થા CDCએ ટાઈમ લાઈન જાહેર કરી કહ્યું કે તે જાન્યુઆરી સુધીમાં રેસી પ્રોગ્રામ શરુ કરવા માટે તૈયાર છે. રસી કેમ્પેઈન પ્રોગ્રામ મફત રહેશે.

ત્યારે ડૉ. એન્થની ફૌસી સહિત અન્ય પ્રમુખ એક્સપર્ટનું કહેવું છે કે એવું શક્ય છે કે આ વર્ષના અંત સુધીમાં અમેરિકામાં રસી સામાન્ય લોકોને મળવા લાગે. પણ તેની આશા ઓછી છે.  આ પહેલા ટ્રમ્પ અમેરિકામાં ચૂંટણી પહેલા રસી લોન્ચ કરવાનો પ્રયાસ કરી ચૂક્યા છે. પરંતુ તેમને સફળતા મળતી દેખાઈ નથી રહી.