દિવાળીનો તહેવાર 24 ઓક્ટોબર સોમવારે ઉજવવામાં આવશે. ત્યાર બાદ બેસ્તુ વર્ષ અને ભાઈબીજની પણ રજાઓ આવશે. તેના પહેલા શનિવાર, રવિવાર પણ છે. આ હિસાબથી સતત 6 દિવસ રજાઓ છે.
દિવાળી પર છે લોંગ વિક એન્ડ
રજાઓમાં ફરવાનો પ્લાન હોય તો ખાસ જુઓ
ફરવા માટે આ જગ્યાઓ છે બેસ્ટ
દિવાળીનો તહેવાર આવવામાં હવે થોડા જ દિવસો બાકી છે. દિવાળી ઉપરાંત પણ આ મહિનામાં બીજા પણ ઘણા તહેવારો આવી રહ્યા છે. જેમાંથી એક છઠ પૂજા પણ છે. આ વર્ષે દિવાળી 24 ઓક્ટોબર 2022 એટલે કે સોમવારે છે. એવામાં શનિવાર, રવિવાર, સોમવાર, મંગળવાર, બુધવાર અને ગુરૂવાર અમે લોંગ વિક એન્ડ આવે છે.
ઘણા લોકો આ તહેવારોમાં ફરવા જવાનો પ્લાન બનાવી રહ્યા હશે. અમે તમને ભારતની એવી જગ્યાઓ વિશે જણાવવા જઈ રહ્યા છીએ જ્યાં તમે ફરવા જઈ શકો છો.
મશોબરા
મશોબરા હિમાચલ પ્રદેશના શિમલામાં આવેલું એક નાનું શહેર છે. મશોબરામાં એટલી શાંતિ અને હરિયાળી છે કે તમારે અહીં દૂર-દૂર સુધી કોઈ ઘોંઘાટ જોવા નહીં મળે. મશોબરા વિશે ઘણા ઓછા લોકોને ખબર છે જેના કારણે ત્યાં ભીડ ખૂબ જ ઓછી હોય છે.
ચૌકોડી
જો તમે આ દિવાળીના તહેવાર પર ઉત્તરાખંડ જવા માંગો છો તો ચૌકોડી જઈ શકો છો. આ જગ્યા પિથૌડાગઢ જિલ્લામાં સ્થિત છે. દિવાળી વખતે આ હિલ સ્ટેશન પર વાતાવરણ ખૂબ જ સારૂ રહે છે. અહીં લોકોની ભીડ ઓછી હોય છે જેથી તમે શાંતિથી દિવાળીની રજાઓનો આનંદ લઈ શકો છો.
કુમારકોમ
કુમારકોમ કેરલનું એખ નાનું અને સુંદર શહેર છે. કુટ્ટાનદ ક્ષેત્રમાં સ્થિત આ શહેર કોટ્ટાયમથી 14 કિમી દૂર છે. અહીં તમે શાંતિથી પોતાનું દિવાળી વેકેશન સેલિબ્રેટ કરી શકો છો. તમે અહીં આયુર્વેદિક સ્પા, ફ્રેશ ફૂડ અને અહીંના કલ્ચરનો આનંદ મેળવી શકો છો.
જીભી
હિમાચલ પ્રદેશના તીર્થન વેલીમાં સ્થિત જીભી દિવાળી વેકેશન માટે પરફેક્ટ પ્લેસ છે. અહીં ચીડના ઘટાદાર વૃક્ષ અને અલગ અલગ પ્રકારના કોટેજ પણ છે. અહીં આવીને તમને એવું મહેસુસ થશે જેમ કે તમે કોઈ બીજી જ દુનિયામાં આવી ગયા છો. અહીં ગામમાં થતી દિવાળી સમારોહમાં પણ તમે ભાગ લઈ શકો છો.