ચૂંટણી / નથી વીજળી, નથી રસ્તો છતાં પણ આ ગામના લોકોએ નાવડીઓમાં બેસીને કર્યું મતદાન

ત્યારે મહારાષ્ટ્રના પ્રથમ મતદાન મથક એટલે સરદાર સરોવર નર્મદા બંધના ઉપરવાસમાં આવેલ નંદરબાર જિલ્લાના અક્કલ કુવા તાલુકાના મનીબેલી ગામ ખાતે લોકસસભાની અક્કલકુવા લોકસભા આદિવાસી અનામત બેઠક છે. આ મતદાન મથક ભારતનું પ્રથમ મતદાન મથક હોવાનું જણાવી રહ્યા છે. ત્યારે આ બેઠકમાં 11 ઉમેદવારો ચૂંટણી લડી રહ્યા છે. ના કોઈ જાહેરાત કે ના કોઈ પ્રચાર છતાં લોકશાહિને જીવંત રાખવા અહીંના આદિવાસી મતદારો નાવડીઓમાં બેસીને મતદાન મથક સુધી મતદાન કરવા આવે છે.

આ ગામ એવું છે કે જ્યાં નથી વીજળી, નથી રસ્તો, પાણીની વચ્ચે રહે છે છતાં પીવાનું પાણી નથી મહા મુસીબત વેઠતા આ ગ્રામજનો સરકાર પાસે અનેક માંગણીઓ કરી રહ્યા છે. છતાં મતદાન અચૂક કરે છે. ચૂંટણી એટલે વીટીવી ગુજરાતી આજે જ્યાં કોઈ ન પહોંચી શકે ત્યાં પહોંચ્યું. જ્યાં જવા માટે નથી કોઈ રસ્તો કે નથી કોઈ સુવિધા નથી. આજે અમે તમને એક એવા મતદાન મથક પર લઇ જય રહ્યા છે કે અહીંના આદિવાસીઓ બેટ પર ચારે બાજુ પાણી જ પાણી ત્યાં જવા માટે જળમાર્ગનો ઉપયોગ કરવામાં આવે છે. આ પ્રથમ મતદાન મથક પર આવવા કર્મચારીઓને ઘણી મુશ્કેલી વેઠવી પડી હતી.

આ મતદાન મથકમાં પ્રથમ મતદાર એવાં વરસન વિજીયા વસાવેનું ચૂંટણી અધિકારીઓ દ્વારા મતદાન કેન્દ્રમાં શ્રીફળ અને ફૂલ આપીને સન્માન પણ કરવામાં આવ્યું હતું. આમ શાંતિપૂર્ણ રીતે મહારાષ્ટ્રના પ્રથમ મતદાન મથકમાં મતદાન થયું હતું.

આજે આ ગ્રામજનોના કહેવા મુજબ ચૂંટણીમાં ન તો આ ગામમાં કોઈ નેતા આવ્યા કે ન કોઈ ચૂંટણીપંચના અધિકારીઓ છતાં આ ગ્રામજનો પોતાના ગામના વિકાસ માટે મત આપી રહ્યા છે.