અપડેટ / ગુજરાતમાં કોરોનાને લઈ સારા સંકેત મળ્યા, સાજા થવાનો દર 99 ટકાએ પહોંચ્યો, જુઓ આજે કેટલા કેસ આવ્યા અને કયા સૌથી વધુ

• રાજ્યમાં કોરોનાના નવા 227 કેસ
• એક્ટિવ કેસની સંખ્યા 1879 પહોંચી
• સુરત શહેરમાં 25, વડોદરા શહેરમાં 25 કેસ

ગુજરાતમાં કોરોનાનો સામાન્ય વધારો-ઘટાડો જોવા મળી રહ્યો છે તેમજ રોજિંદા કેસ આજે ઘટાડો જોવા મળ્યો છે. ગુજરાતમાં કોરોનાના રોજિંદા સંક્રમિત દર્દીઓમાં સામાન્ય વધઘટ જોવા મળી રહ્યો છે. તેમજ કોરોનાને લઈ વહીવટી તંત્ર પણ સજાગ અને સજ્જ બન્યું છે. આજે આરોગ્ય તંત્ર દ્વારા સત્તાવાર રીતે જાહેર કરાયેલી માહિતી મુજબ આજે રાજ્યમાં કોરોનાના 227 પોઝીટિવ કેસ નોંધાયા છે.

ગુજરાત કોરોના અપડેટ | આજે વધુ નવા 227 કેસ, કુલ એક્ટિવ કેસની સંખ્યા 1879 થઈ, અમદાવાદ શહેરમાં સૌથી વધુ 95 કેસ, સુરત શહેરમાં 25, કોરોનાથી સાજા થવાનો દર 99 ટકાએ પહોંચ્યો#Gujarat #Corona #vtvgujarati pic.twitter.com/AM5fg0RNcY

— VTV Gujarati News and Beyond (@VtvGujarati) April 23, 2023

કોરોનાથી ગંભીર અસરગ્રસ્ત કુલ 4 દર્દી વેન્ટિલેટર પર
આજે રાજ્યમાં કોરોનાના વધુ 227 કેસ નોંધાયા છે તેમજ રાજ્યમાં કોરોનાના કુલ એક્ટિવ કેસની સંખ્યા 1879 થઈ છે. કોરોનાથી ગંભીર અસરગ્રસ્ત કુલ 4 દર્દી વેન્ટિલેટર પર છે. અમદાવાદ શહેરમાં સૌથી વધુ 95 કેસ નોંધાયા જ્યારે સુરત શહેરમાં 25, વડોદરા શહેરમાં 25 કેસ નોંધાયા છે. સાબરકાંઠામાં 16, મહેસાણામાં 11 કેસ, સુરત ગ્રામ્યમાં 10 કેસ નોંધાયા છે. વલસાડમાં 7 કેસ, ગાંધીનગર ગ્રામ્યમાં 6 કેસ તેમજ નવસારીમાં 6 કેસ, રાજકોટ ગ્રામ્યમાં 4 કેસ અને ભાવનગર શહેરમાં 3, વડોદરા ગ્રામ્યમાં 3 કેસ નોંધાયા છે.

સાજા થવાનો દર 99 ટકા પહોચ્યો

અમદાવાદ ગ્રામ્યમાં 2 કેસ, આણંદમાં 2 કેસ અને ભરૂચમાં 2 કેસ, ગાંધીનગર શહેરમાં 2 કેસ નોંધાયા છે. જ્યારે કચ્છમાં 2 કેસ, પંચમહાલમાં 2 કેસ, બનાસકાંઠામાં એક કેસ નોંધાયો છે વધુમાં જણાવી દઈએ કે, ભાવનગર ગ્રામ્યમાં એક, ગીર સોમનાથ અને મોરબીમાં એક-એક કેસ નોંધાયો છે જ્યારે ગુજરાતમાં કોરોનાથી સાજા થવાનો દર 99 ટકા પહોચ્યો છે.

કોરોનાથી બચવાના ઉપાય
માથાનો દુખાવો, ઉધરસ, શ્વાસ લેવામાં તકલીફ, શરદી, તાવ વગેરેની સમસ્યાને સામાન્ય ન ગણો. તે કોરોના પણ હોઈ શકે છે. તાત્કાલિક નિષ્ણાતનો સંપર્ક કરો. જો તમારી આસપાસ કોઈ સંક્રમિત વ્યક્તિ હોય તો તેનાથી સંપૂર્ણ અંતર રાખો. ભીડભાડવાળી જગ્યાએ માસ્ક પહેરીને જ જાઓ. છીંક આવે કે ખાંસી આવે ત્યારે હાથને સેનિટાઈઝ કરો. જાહેર સ્થળોની સપાટીને સ્પર્શ કરવાનું ટાળો અને જો તમે કરો છો તો તરત જ તમારા હાથને સેનિટાઈઝ કરો. સમયાંતરે તમારા હાથ ધોવાનું ચાલુ રાખો. જો તમને તમારી અંદર કોવિડ-19ના લક્ષણો દેખાઈ રહ્યા છે તો તમારી જાતને ક્વોરોન્ટાઈન કરો.