દેશભરમાં અનેક વિસ્તારોમાં ભારેથી અતિ ભારે વરસાદ થઈ શકે છે. હવામાન વિભાગે આ મુદ્દે ચેતવણી જાહેર કરી છે. હવામાન વિભાગના જણાવ્યા મુજબ 21 જૂનથી ફરી એકવાર દેશમાં વરસાદ એન્ટ્રી કરશે અને 25 તારીખ સુધી અડધા દેશને પોતાના બાનમાં લેશે.
હવામાન વિભાગની આગાહી મુજબ દેશના વિવિધ વિભાગોમાં ભારે વરસાદ થઈ શકે છે. અને તેની સાથે વાવાઝોડું પણ આવી શકે છે. આગાહી મુજબ બિહાર પશ્ચિમ બંગાળ કર્ણાટક કેરળ સહિતના વિસ્તારોમાં વરસાદ થઈ શકે છે.
કોંકણ ગોવા મેઘાલય અરુણાચલ પ્રદેશ મહારાષ્ટ્ર કેરળ અને કર્ણાટકમાં 21 અને 22 જૂન દરમિયાન ભારે વરસાદ થઈ શકે છે. જ્યારે 23 જૂને હિમલાયના કેટલાક વિભાગો જેમ કે પ.બંગાળ સિક્કિમ અંડમાન-નિકોબાર નાગાલેન્ડ મિઝોરમ મણિપુર ત્રિપુરામાં વરસાદ થઈ શકે છે. જ્યારે 24 અને 25 જૂન દરમિયાન દક્ષિણ ભારતના દરિયા કિનારા પર ભારે વરસાદ થાય તેવી શક્યતા છે.