ગુજરાતી ફિલ્મ સાથે જોડાયેલી પાયલ રાજપૂતની બર્થ ડે પાર્ટીમાં દારૂની મહેફિલ, પોલીસે રેડ કરીને પાંચ લાખનો મુદ્દામાલ જપ્ત કર્યો.
વડોદરામાંથી ઝડપાઇ હાઇપ્રોફાઇલ મહેફીલ
ગુજરાતી ફિલ્મ સાથે જોડાયેલી પાયલ રાજપૂતની બર્થ ડે પાર્ટીમાં રેડ
3 શખ્સોની અટકાયત,5 લાખનો મુદ્દામાલ જપ્ત
ગુજરાતી ફિલ્મ સાથે જોડાયેલી પાયલ રાજપૂતની બર્થ ડે પાર્ટીમાં રેડ
ગુજરાતમાં દિવાળી અને નવા વર્ષનાં પાવન પર્વની ઉજવણી કરવામાં આવી રહી છે, આ દિવસોમાં લોકો સારા સંકલ્પ લે છે અને જીવન ઉજળું બનાવવા માટે પ્રયાસ કરે છે ત્યારે સંસ્કારી નગરી તરીકે ઓળખાતા વડોદરામાં હાઇપ્રોફાઇલ મહેફિલ ઝડપાઇ છે.
તમામની અટકાયત કરી 5 લાખ ઉપરાંતનો મુદ્દામાલ કર્યો જપ્ત
ગુજરાત પોલીસે વડોદરાના ડવડેક ઍપાર્ટમેન્ટમાંથી દારૂની મહેફિલ કરતાં નબીરાઓને પકડી પાડયા છે. ચોંકાવાનારી બાબત છે કે આ પાર્ટીમાં ગુજરાતી ફિલ્મો સાથે જોડાયેલી પાયલ રાજપૂત પણ સામેલ હતી. હાલ પોલીસે ચાર લોકો સામે ગુનો દાખલ કરીને કુલ ત્રણ યુવકોની અટકાયત કરી છે.
પાયલની બર્થ ડે ઉજવવા BMW કારમાં ત્રણ શખ્સ આવ્યા હતા વડોદરા
પાયલ રાજપૂત નામક યુવતીનાં બર્થ ડે પર આ પાર્ટીનું આયોજન કરવામાં આવ્યું હતું જેમા પોલીસે રેડ પાડી અને અમદાવાદનાં ત્રણ શખ્સોની ધરપકડ કરી. દારૂની બોટલો સાથે અમદાવાદનાં ત્રણ યુવકો BMW કારમાં અમદાવાદથી વડોદરા આવ્યા હતા. પોલીસે હાલ તો ચાર લોકો સામે ફરિયાદ નોંધીને કુલ પાંચ લાખથી વધુનો મુદ્દામાલ જપ્ત કરી લીધો છે.