કિઆ મોટર્સ ભારતમાં ટૂંક સમયમાં Carnival MPV લોન્ચ કરશે. તેને આગામી વર્ષ ફેબ્રુઆરીમાં યોજાનાર ઓટો એક્સપોમાં લોન્ચ કરવામાં આવી શકે છે. સાઉથ કોરિયન કંપની કિઆએ વર્ષ 2018માં ઓટો એક્સપોમાં આ મલ્ટી પર્પઝ વ્હીકલ (MPV)ને રજૂ કર્યું હતું. ભારતીય બજારમાં આ એમપીવી ટોયોટા ઈનોવા ક્રિસ્ટાને ટક્કર આપશે. ઘણા દેશોમાં તેને Sedona નામથી પણ વેચવામાં આવતી હતી. ચાલો જાણીએ આ કાર વિશે ખાસ વાતો.
ફ્રેબ્રુઆરીમાં લોન્ચ થશે Kia Carnival
એમપીવી ટોયોટા ઈનોવા ક્રિસ્ટાને ટક્કર આપશે
કાર્નિવલનો લુક ઘણો જ શાનદાર અને પ્રીમિયમ છે
લુક અને સાઈઝ
કિઆ કાર્નિવલમાં બીજી લાઈન માટે પાવર સ્લાઈડિંગ દરવાજા આપવામાં આવ્યા છે, જેના કારણે તે મિની વેન જેવી દેખાય છે. તેના ફ્રન્ટમાં કિઆની સિગ્નેચર ગ્રિલ છે. ઈન્ટરનેશનલ માર્કેટમાં વેચાયેલી કાર્નિવલનો લુક ઘણો જ શાનદાર અને પ્રીમિયમ છે. પણ ભારતીય બજારમાં લોન્ચ થનારી કાર્નિવલની ડિઝાઈનમાં કેટલાક ફેરફાર જોવા મળી શકે છે. સાઈઝની વાત કરીએ તો, કાર્નિવલની લંબાઈ 5,115 mm છે, પહોળાઈ 1,985 mm, ઉંચાઈ 1,740 mm અને વ્હીલબેસ 3,060 mm છે. ઈનોવાની તુલનામાં તે MPV 420mm વધારે લાંબી અને 150 mm વધારે પહોળી છે. ઈનોવાની ઊંચાઈ કાર્નિવલ કરતા 55 mm વધારે છે, જ્યારે કાર્નિવલનું વ્હીલબેસ 310 mm વધારે છે.
બેસ્ટ છે ઇન્ટિરિયર
ઈન્ટરનેશનલ માર્કેટમાં કાર્નિવલ 7,8 અને 11 સીટ લેઆઉટમાં આવે છે. ભારતમાં તેને માત્ર 7 સીટર ઓપ્શનમાં લોન્ચ કરવામાં આવશે. તેના ટોપ વેરિઅન્ટમાં બીજી લાઈનમાં કેપ્ટન સીટ્સ આપવામાં આવી શકે છે. બીજી લાઈનની સીટ સંપૂર્ણ રીતે ફોલ્ડ કરી શકાશે, જેથી ત્રીજી લાઈનની સીટ પર બેસનાર પેસેન્જરને કારની અંદર જવા અને બહાર નીકળવામાં સરળતા રહે.
પાવરફુલ એન્જિન
ભારતીય માર્કેટમાં કાર્નિવલમાં BS6 કમ્પ્લાયંટ 2.2 લીટર, 4 સિલિન્ડર ટર્બોચાર્જ્ડ ડીઝલ એન્જિન હશે. આ એન્જિન 202hpનો પાવર અને 441Nm ટોર્ક જનરેટ કરે છે. ઉપરાંત 6-સ્પીડ ઓટોમેટિક ટ્રાંસમિશન આપવામાં આવી શકે છે. ઈન્ટરનેશનલ માર્કેટમાં કાર્નિવલ 3.3 લીટર V6 પેટ્રોલ એન્જિનની સાથે પણ આવે છે. આ એન્જિન 270hp પાવર અને 318Nm ટોર્ક જનરેટ કરે છે. જોકે, ભારતમાં લોન્ચ થનારી કાર્નિવલમાં આ એન્જિન મળવાની સંભાવના ઓછી છે.
આટલી છે કિંમત
કિઆ કાર્નિવલની કિંમત 24થી 30 લાખ રૂપિયા સુધી હશે. માર્કેટમાં તેની સીધી ટક્કર ટોયોટા ઈનોવા સાથે થશે. જોકે તે ઈનોવાનું પ્રીમિયમ ઓપ્શન હશે.