અમદાવાદ / યુવકે મિત્રની ગર્લફેન્ડને ઈન્સ્ટાગ્રામ પર મેસેજ કર્યોને પછી બંને મિત્રો વચ્ચે થયું એવું કે...

• ઇસનપુરમાં રહેતો 19 વર્ષીય યુવક ધો.12માં અભ્યાસ કરે છે
• આઠ મહિનાથી ઋત્વિક ભરવાડ નામના યુવકને ઓળખે છે
• યુવકને ડંડા વડે ફટકાર્યો હતો

અમદાવાદના ઇસનપુર વિસ્તારમાં એક યુવકે મિત્રની ગર્લફ્રેન્ડને ભૂલથી મેસેજ કર્યા બાદ તેણે તેને અનસેન્ડ પણ કર્યો હતો, છતાંય યુવતીના બોયફ્રેન્ડે અદાવત રાખીને યુવકને ડંડા વડે મૂઢ માર મારીને જાનથી મારી નાખવાની ધમકી આપતા ધમકી આપી હોવાની ઘટના પ્રકાશમાં આવી છે.

ઇસનપુરમાં રહેતો 19 વર્ષીય યુવક ધો.12માં અભ્યાસ કરે છે.છેલ્લા આઠ મહિનાથી ઋત્વિક ભરવાડ નામના યુવકને ઓળખે છે. ગઇકાલે યુવક તેના એક મિત્ર સાથે ઇન્સ્ટાગ્રામ પર ચેટિંગ કરતો હતો. તે સમયે તેનાથી એક યુવતીને પણ ભૂલથી મેસેજ થઇ ગયો હતો.બાદ તેણે આ મેસેજ અનસેન્ડ પણ કરી દીધો હતો.

જેની અદાવત રાખીને ઋત્વિક ભરવાડ નામનો યુવતીનો બોયફ્રેન્ડે યુવક પાસે આવી કહ્યું કે તને બહુ ચરબી છે તારી ચાવી ઉતારી દઉં છું  આમ કહીને બોલાચાલી કરી હતી અને યુવકને ડંડા વડે ફટકાર્યો હતો.યુવકને ઇજા પહોંચતા તેને સારવાર અર્થે ખસેડાયો હતો. ત્યારબાદ યુવકે ઋત્વિક ભરવાડ સામે ફરિયાદ નોંધાવતા પોલીસે ગુનો નોંધી તપાસ હાથ ધરી છે.