ઑસ્કર 2023 માટે બેસ્ટ ફૉરેન ફિલ્મની કેટેગરી માટે ભારતની અને ગુજરાતી ફિલ્મ છેલ્લો શો સત્તાવાર રીતે નૉમિનેટ કરવામાં આવી છે, જેનુ ગયા વર્ષે જૂનમાં ટ્રિબેકા ફિલ્મ મહોત્સવમાં પ્રીમિયર થયુ હતુ.
ઑસ્કર 2023 માટે નૉમિનેટ થઇ છેલ્લો શો
ફિલ્મનું ગયા વર્ષે જૂનમાં ટ્રિબેકા ફિલ્મ મહોત્સવમાં પ્રીમિયર થયુ હતુ
ફિલ્મ પર ધ કાશ્મીર ફાઈલ્સના નિર્દેશક વિવેક રંજન અગ્નિહોત્રીએ આપી પ્રતિક્રિયા
ઑસ્કર 2023 માટે ગુજરાતી ફિલ્મ છેલ્લો શો સત્તાવાર રીતે નોમિનેટ કરાઈ
ઑસ્કર માટે હંમેશા દર્શકો અને ફિલ્મ મેકર્સની વચ્ચે એક્સાઈટમેન્ટ જોવા મળે છે. ઑસ્કર પુરસ્કારમાં છેલ્લી વખત 2001માં આમિર ખાનની ફિલ્મ લગાને છેલ્લી પાંચમાં જગ્યા મેળવી હતી. તો લગાન પહેલા મધર ઈન્ડિયા અને સલામ બોમ્બેનુ નામ યાદીમાં સામેલ છે. તો હવે 95મા એકેડમી પુરસ્કારો એટલે ઑસ્કર 2023 માટે બેસ્ટ ફૉરેન ફિલ્મની કેટેગરી માટે ભારત તરફથી ગુજરાતી ફિલ્મ છેલ્લો શો સત્તાવાર રીતે નૉમિનેટ કરવામાં આવી છે, જેનુ ગયા વર્ષે જૂનમાં ટ્રિબેકા ફિલ્મ મહોત્સવમાં વર્લ્ડ પ્રીમિયર થયુ હતુ. છેલ્લો શો પર હવે ધ કાશ્મીર ફાઈલ્સના નિર્દેશક વિવેક રંજન અગ્નિહોત્રીએ પ્રતિક્રિયા આપી છે.
શું છે વિવેકનુ ટ્વિટ
મહત્વનું છે કે છેલ્લો શોને લઇને સોશિયલ મીડિયામાં ઘણી સેલિબ્રિટીઓ અને યુઝર્સે પ્રતિક્રિયા આપી છે. એવામાં ધ કાશ્મીર ફાઈલ્સના નિર્દેશક વિવેક અગ્નિહોત્રીએ તેના પર રિએક્શન આપ્યું છે. વિવેકે પોતાના ટ્વિટમાં લખ્યું, ભારતની સત્તાવાર રીતે નોંધ રૂપે પસંદ કર્યા બાદ ધ લાસ્ટ ફિલ્મ છેલ્લો શોની આખી ટીમને ખૂબ-ખૂબ ધન્યવાદ. ઑસ્કર 2023માં તેમને સર્વશ્રેષ્ઠ ફિલ્મ પુરસ્કારની શુભેચ્છા. હું આવા બધા શુભચિંતકો અને વિશેષ રીતે મીડિયાાનો આભાર વ્યક્ત કરુ છુ, જે ધ કાશ્મીર ફાઈલ્સના પક્ષમાં હતા.
A big congratulations to the entire team of #LastFilmShow (Chhello Show) for being selected as India’s official entry. Wishing them the best film award at the #Oscars2023
ઉલ્લેખનીય છે કે, છેલ્લો શોને અંગ્રેેજીમાં લાસ્ટ ફિલ્મ શો કહેવામાં આવી રહ્યું છે અને આ ફિલ્મ સામાન્ય દર્શકો માટે 14 ઓક્ટોબરે રીલીઝ થશે. ફિલ્મની સ્ટાર કાસ્ટની વાત કરીએ તો તેમાં ભાવિન રબારી, ભાવેશ શ્રીમાળી, ઋચા મીના, દીપેન રાવલ અને પરેશ રાવલ મુખ્ય પાત્રમાં છે. છેલ્લો શોના નિર્દેશક પી નલિન છે અને ફિલ્મ ફેડરેશન ઑફ ઈન્ડિયાએ તેની સત્તાવાર જાહેરાત કરી કહ્યું કે 17 સભ્યોની જૂરીએ સર્વસંમતિથી છેલ્લો શોને પસંદ કર્યો. એફએફઆઈના અધ્યક્ષ ટીપી અગ્રવાલે ફિલ્મને લઇને કહ્યું છે કે છેેલ્લો શોને એસએસ રાજામૌલીની આરઆરઆર, રણબીર કપૂરની હાલમાં રીલીઝ થયેલી ફિલ્મ બ્રહ્માસ્ત્ર: પાર્ટ વન શિવા, વિવેક અગ્નિહોત્રીની ધ કાશ્મીર ફાઈલ્સ અને આર માધવનના નિર્દેશનમાં બનેલી રોકેટ્રી જેવી ફિલ્મોમાં પસંદગી આપવામાં આવી અને તેને સર્વસમંતિથી પસંદ કરવામાં આવી.