વિવાદ / હિજાબનો મુદ્દો પહોંચ્યો ગુજરાત હાઇકોર્ટમાં! આગામી સપ્તાહે સુનાવણી, જાણો શું કરાઈ છે રજૂઆત

• હિજાબનો મુદ્દો ગુજરાત હાઇકોર્ટમાં પહોંચ્યો
• સમાનતા ન જળવાતી હોવાની કોર્ટમાં રજૂઆત
• આગામી સપ્તાહે થઇ શકે છે કોર્ટમાં સુનાવણી

હિજાબ પહેરવાથી સમાનતા ન જળવાતી હોવાની કોર્ટમાં રજૂઆત

કર્ણાટકની શાળા-કોલેજોમાંથી બહાર આવેલ હિજાબનો મુદ્દો હવે હેડલાઇન્સમાં છે. રાજ્યથી લઈને દેશના રાજકારણમાં હિજાબ વિવાદના પડઘા સંભળાઈ રહ્યા છે. દરમિયાન હિજાબનો મુદ્દો હવે ગુજરાત હાઈકોર્ટમાં પણ પહોંચ્યો છે. એક અરજદારે હિજાબ પહેરવાથી સમાનતા ન જળવાતી હોવાની કોર્ટમાં રજૂઆત કરવામાં આવી હતી. તેમજ સ્કૂલો અને કોલેજોમાં હિજાબ પર પ્રતિબંધ મુકવા સાથે શૈક્ષણિક સંસ્થાઓમાં યુનિફોર્મ ફરજીયાત કરવાની રજૂઆત કરવામાં આવી હતી. 

આગામી સપ્તાહે થઇ શકે છે કોર્ટમાં સુનાવણી 

આમ કર્ણાટકની શાળા-કોલેજોમાં બહાર આવેલો હિજાબનો મુદ્દો હવે હેડલાઈન્સમાં આવ્યો છે. ઉલ્લેખનીય છે કે,કોર્ટમાં લાઉડસ્પીકર પર થતી અઝાન પર પ્રતિબંધની અરજી પેન્ડિંગ છે. ત્યારે ગુજરાત હાઈકોર્ટમાં હિજાબ અંગે કરાયેલી અરજીનો આગામી સપ્તાહે સુનવણી થઈ શકે છે.