શરમજનક / સંસ્કારી નગરી વડોદરા ફરી લાજી, કરાટે શીખવા જતી સગીરા સાથે અડપલા ; ટ્રેનર પિંજરે પુરાયો

• સ્વરક્ષણની તાલીમાર્થી સગીરા સાથે અડપલા 
• તાલીમ શિક્ષકે જ સગીરાની કરી લીધી છેડતી 
• મકરપુરા પોલીસમાં ફરિયાદ બાદ ધરપકડ 

સંસ્કારી નગરી વડોદરામાં મહિલા સુરક્ષાના કારણે લાંબા સમયથી ચર્ચામાં છે. ત્યારે,હજુ સુધી નવસારીની યુવતી સાથે વડોદરાના વેક્સીન ગ્રાઉન્ડમાં જધન્ય પાપાચાર કેસમાં પોલીસ,'ચાંચુડી ઘડાવે છે'ત્યાં જ વધુ એક યુવતીની શારીરિક છેડતીનો કિસ્સો સામે આવતા ચકચાર મચી ગઈ છે. આ પહેલા પણ હરિયાણાની યુવતી સાથે થયેલા દુષ્કર્મ કેસમાં, પાવાગઢ મંદિરનો ટ્રસ્ટી આરોપ લાગ્યા બાદ નાસી છૂટ્યો હતો અને લાંબા સમયે પોલીસના હાથે ઝડપાયો હતો. આ કેસમાં પણ પોલીસની ભૂમિકા પર સવાલ ઉઠ્યા હતા.

કરાટેના વર્ગ શિક્ષકની ધરપકડ 

વડોદરામાં સ્વરક્ષણ તાલીમના કલાસ ચલાવતા એક ટ્યુટરે,તાલીમ અલેવા આવી રહેલી સગીરા સાથે અડપલા કર્યા હોવાની સામે આવેલી ફરિયાદથી વધુ એક ચકચાર મચી ગઈ છે. 
 મકરપુરા પોલીસ સ્ટેશનમાં નોંધાવાયેલી ફરિયાદમાં સગીરાની માતાએ,ઘનશ્યામ પાર્ક વિસ્તારમાં કરાટે કલાસીસ ચલાવતા  વિકાસ સોઢી સામે ફરિયાદ નોંધાવતા કહ્યું કે, તેઓની સગીરા સાથે આ યુવકે શારીરિક છેડતી કરી છે. અને  સગીરાને નિર્વસ્ત્ર કરી અડપલા કર્યા હતા. સગીરાએ તેમની સાથે થયેલા અઘટિત વર્તનની ફરિયાદ માતાને કરતા, માતા મકરપુરા પોલીસ મથકે પહોચી હતી. મકર પુરા પોલીસે આરોપી વિકાસ સોઢી સામે ગુનો નોંધી તેની ધરપકડ કરી છે.

વડોદરામાં વેક્સીન ગ્રાઉન્ડની ઘટના 

દિવાળીના દિવસોમાં વલસાડ ક્વીન ટ્રેનમાં નવસારીમાં રહેતી અને વડોદરાની ઓએસીસ સંસ્થામાં કામ કરતી યુવતી સાથે દુષ્કર્મ થયા બાદ યુવતીએ કથિત આત્મહત્યા કરી હોવાની ઘટનાની હજુ શાહી સુકાઈ નથી. ઘટનાના 26 દિવસ બાદ પોલીસ હજુ પીડિતાની ગૂમ થયેલી સાઈકલ માંડ શોધી શકી છે. ઘટના બે ભાગમાં વહેચાયેલી છે. એક ગુનો જે હત્યા કે આત્મહત્યા ? જે કઈ છે તે રેલવે પોલીસની હદમાં છે.અને બીજો, વડોદરા પોલીસના હાથમાં વેક્સીન ગ્રાઉન્ડમાં થયેલા દુષ્કર્મનો છે. અમદાવાદ ક્રાઈમ બ્રાંચ ઘટનાનાં 12 માં દિવસે રેલવે અને વડોદરા પોલીસને મદદ  માટે પહોચે છે.આ કેસના ટર હજુ ગૂંચવાયેલા છે. ઓએસીસનાં સંચાલકોની ભૂમિકા,યુવતીની ડાયરીનાં પાના,ચોરાયેલી સાઈકલ, સંદિગ્ધ ઇમરાનની ભૂમિકા હજુ ઘણું ઉલેક્વાનું બાકી છે. અત્યારે તો પોલીસ તપાસનું આશ્વાસન,અને ચાલી રહેલી તપાસ પર સૌની નજર છે. 

હરિયાણવી યુવતી સાથે દુષ્કર્મ 

વડોદરામાં બે મહિના પહેલા હરીયાણાથી અભ્યાસ માટે આવેલી યુવતી સાથે હોટેલમાં થયેલી દુષ્કર્મની ઘટના પણ લાંબા સમય સુધી પડઘાયેલી રહી. પાવાગઢ મંદિરનો ટ્રસ્ટી રાજુ અને તેના સાગરિત વચ્ચેની ટેલીફોનીક વાતચિત, બુટલેગરની ભૂમિકા સહિતના સવાલો ઉઠતા રહ્યા. એક ચાર્ટડ અકાઉન્ટન્ટ અને તેની ભૂમિકા પણ સંદિગ્ધ રહી. આ ઘટના પણ એક નારી સન્માન સાથે જોડાયેલી રહી. અને પોલીસ કાર્ય પ્રણાલી પર પણ સવાલો ઉઠતા રહ્યા હતા.