IPLIN
 
  • Home
  • Business
  • the bank will refund your money if the atm transaction fails rbi tweets

તમારા કામનું / ATMમાંથી પૈસા કાઢતા હોવ તો તમારા માટે ખૂબ જ કામના છે આ સમાચાર, વાંચી લો નહીંતર...

Team VTV 06:28 PM, 08 Oct 20 | Updated: 06:30 PM, 08 Oct 20
Follow us
the bank will refund your money if the atm transaction fails rbi tweets

ATMમાં ખરાબીને કારણે ઘણી વખત એટીએમ ટ્રાન્ઝેક્શન ફેલ થઈ જાય છે અથવા તો એટીએમ મશીનમાં કેશ ખતમ થઈ જવાને કારણે પણ ટ્રાન્ઝેક્શન થઈ શકતું નથી. એવામાં તમારે ચિંતા કરવાની જરૂર નથી, કારણ કે આવી સમસ્યા થવા પર બેંક એક નિર્ધારિત સમયની અંદર તમારા પૈસા તમારા અકાઉન્ટમાં રિફંડ કરી દેશે.

  • એટીએમમાંથી પૈસા ઉપાડતા લોકો ધ્યાન આપો
  • આ સમસ્યા થાય તો તરત લો એક્શન

ભારતીય રિઝર્વ બેંકની એક પબ્લિક અવેરનેસની પહેલ મુજબ, જો તમારું એટીએમ ટ્રાન્ઝેક્શન ફેલ થઈ જાય અને નિર્ધારિત સમયમાં તમારા ખાતામાં પૈસા રિફંડ ન થાય તો બેંકે તમને વળતર ચૂકવવું પડશે. આરબીઆઈએ તેની વેબસાઇટ પર વારંવાર પૂછાતા પ્રશ્નોમાં એટીએમ સંબંધિત પ્રશ્નોના જવાબ આપ્યા છે.

એટીએમ ટ્રાન્ઝેક્શન ફેલ થઈ જાય તો જાણો આ અગત્યની વાતો

આરબીઆઈએ કહ્યું, બેંકોએ ટ્રાન્ઝેક્શન ફેલ થતાં તરત એક્શન લેવું જોઈએ

કેન્દ્રીય બેંકે કહ્યું કે, કાર્ડ જારી કરનાર બેંક અથવા એટીએમ માલિક બેંકમાં તરત જાણ કરે.

આરબીઆઈના જણાવ્યા અનુસાર નિષ્ફળ એટીએમ ટ્રાન્ઝેક્શનના કિસ્સામાં બેંકોએ ફરજિયાત નિષ્ફળ ટ્રાન્ઝેક્શનની તારીખથી 5 કેલેન્ડર દિવસની અંદર ગ્રાહકના ખાતામાં ફરીથી પૈસા ક્રેડિટ કરવાનું ફરજિયાત કરવામાં આવ્યું છે.

જો બેંક ખાતાધારકના અકાઉન્ટમાં 5 દિવસની અંદર પૈસા રિફંડ કરવામાં નિષ્ફળ રહે તો બેંકોએ લેટ પેમેન્ટ કરવા બદલ ગ્રાહકોને 100 રૂપિયા પેનલ્ટી આપવી પડશે. 

જેથી એટીએમ ટ્રાન્ઝેક્શનને લઈને કોઈપણ સમસ્યા થાય તો ગ્રાહકોએ તરત જ બેંકમાં જાણ કરવી અને જો બેંક યોગ્ય પગલું ન લે તો એક્શન લેવું. 

refund money Bank ATM transaction
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ