ગયા વર્ષે લોકડાઉન દરમિયાન ટીવી સિરીયલ અનુપમાની શરૂઆત થઇ હતી જેમાં એક્ટ્રેસ રૂપા ગાંગુલી અને સુધાંશુ પાંડે લીડ રોલ પ્લે કરી રહ્યાં છે. તેમાં મિથુન ચક્રવર્તીની વહુ પણ અભિનય કરી રહી છે.
ફિલ્મોમાં કર્યુ કામ
આ શોમાં કાવ્યા અનિરુદ્ધ ગાંધીનો રોલ એક્ટ્રેસ મદાલસા શર્મા પ્લે કરી રહી છે. મદાલસા એક્ટર મિથુન ચક્રવર્તીની વહુ છે જેણે 2018માં મિથુનના દિકરા મિમોહ સાથે લગ્ન કર્યા હતા. મદાલસાએ એક્ટ્રેસ અદિતી ગુપ્તાને રિપ્લેસ કરી હતી. આ પહેલી વાર છે જ્યારે મદાલસા નાના પરદા પર કામ કરી રહી છે. આ પહેલા તેમે હિન્દી, તેલુગુ, કન્નડ, તમિળ અને પંજાબી ફિલ્મોમાં કામ કર્યુ છે.
સસરાના કહેવા પર કર્યો ટીવી શો
મદાલસાનુ કહેવુ છે કે પોતાના સસરા અને જાણીતા એક્ટર મિથુનના કહેવા પર નાના પરદા પર કામ કરવાનો નિર્ણય લીધો હતો. મદાલસાએ જણાવ્યું કે તેના પતિ મિમોહ અને સસરા મિથુન બંને શરૂઆતથી જ તેના કરિયરને લઇને સપોર્ટિવ રહ્યો છે. તેણે કહ્યું કે મિથુન લાંબા સમયથી એક ડાન્સ રિયાલીટી શોના જજ પેનલનો હિસ્સો રહ્યા છે અને તેમણે જ મદાલસાને ટીવી ડેબ્યુ માટે પ્રોત્સાહિત પણ કરી હતી. તેમનુ કહેવુ છે કે ટીવીમાં ખુબ સ્કોપ છે. મદાલસાએ પોતાના સસરાની વાત માની અને આ શોમાં કામ કરવાની શરૂઆત કરી હતી. હવે શોને ખુબ પ્રેમ મળી રહ્યો છે અને મદાલસાના રોલને પણ ઘણો પસંદ કરવામાં આવી રહ્યો છે.
એક્ટ્રેસની દીકરી છે મદાલસા
મદાલસા માત્ર મિથુનની વહુ જ નહી પરંતુ જાણીતી એક્ટ્રેસ શીલા શર્માની દીકરી પણ છે. તેમણે નદીયા કે પાર, હમ સાથ સાથ હે અને ચોરી ચોરી ચુપકે ચુપકે, મન, અબોધ, દરાર, અજનબી અને રાજા ભૈયા જેવી ફિલ્મોમાં કામ કર્યુ છે.