રજાઓ માણવા ગયેલી 9 વર્ષની બાળકીએ આઈસ્ક્રીમ ખાધો અને થયું મોત

ઇંગ્લેન્ડની રહેવાસી એક 9 વર્ષની બાળકી સ્પેનમાં રજાએ માણવા ગઇ હતી, પરંતુ એક આઇસ્ક્રીના કારણે તેનુ મોત થઇ ગયું. પરિવારના સભ્યોએ દાવો કર્યો છે કે, બાળકીએ જે આઇસ્ક્રીમ ખાધી તેમાં બદામ ટુકડાઓ હતા. જોકે બાળકીને કહેવામાં આવ્યું હતું કે, આઇસ્ક્રીમમાં બદામ નથી.

હબીબા ચિશ્તી નામની આ બાળકીને બદામથી એલર્જી હતી. તેના માતા-પિતા પણ આ વાતને લઇને ઘણા સ્તર્ક રહેતા હતા, પરંતુ આ ઘટના બાળકી રજાઓ માણવા ગઇ ત્યારે ઘટી. રજાઓ માણવા માટે આ બાળકી સ્પેનના કોસ્ટા ડેલ સોલ નામની જગ્યા પર ગઇ હતી. 

આ બાળકી સાથે તેમા માતા-પિતા અને બે ભાઇ-બહેન પણ હતા. એક સ્થાનિક દુકાન પરથી આ આઇસ્ક્રીમ ખરીદવામાં આવી હતી. આઇસ્ક્રીમ ખાધા બાદ બાળકી હોટલમાં આવી ત્યારબાદ તે બિમાર થઇ. બાળકી બિમાર થતાં તેને હોસ્પિટલમાં લઇ જવાઇ હતી. ત્યાબાદ તેનુ મોત નિપજ્યું હતું. 

તમને જણાવી દઇએ કે, ગયા વર્ષે પણ કંઇક આવીજ ઘટના સામે આવી હતી. જ્યારે ફ્લાઇટમાં સૈંડવિચ ખાવાથી બાળકીનું મોત થયું હતુ.