જો તમે પણ કારમાં સ્ક્રેચ પડવાની સમસ્યાનું સમાધાન શોધો છો, તો સર્વશ્રેષ્ઠ વિકલ્પ છે Teflon Coating. જાણો આ વિષે વિગતવાર
કારને સ્ક્રેચથી બચાવે છે Teflon Coating
લાંબા સમય સુધી નવી જ લાગે છે કાર
Teflon Coatingનાં ફાયદા સાથે અમુક નુકસાનો પણ છે
કારને સ્ક્રેચથી બચાવે છે Teflon Coating
કારમાં સ્ક્રેચ ન પડે એટલા માટે માટે લોકો ઘણા જુગાડ કરતા રહે છે. કારને ધોતી વખતે અને ઘણા અન્ય કારણોથી કાર પર સ્ક્રેચ પડે છે અને કાર જૂની દેખાય છે. આવી સ્થિતિમાં, તમારી કારને નવી રાખવાનો શ્રેષ્ઠ વિકલ્પ છે ટેફલોન કોટિંગ. આમાં, તમારી કાર પર એક કેમિકલ સપાટી કોટેડ છે, જેના કારણે કારની બોડી પર લાગતા સ્ક્રેચ આ ટેફલોન કોટિંગ પર લાગે છે. અહીં અમે તમને ટેફલોન કોટિંગ કરાવવાના ફાયદા અને ગેરફાયદા વિશે માહિતી આપવા જઈ રહ્યા છીએ.
Teflon Coatingનાં ફાયદાઓ
જો તમે કાર પર ટેફલોન કોટિંગ લગાવવા માંગો છો, તો સૌ પ્રથમ તમારી કારને સારી રીતે સાફ કરો અને પછી ટેફલોન કોટિંગ લગાવ્યા પછી કારને 15-20 મિનિટ માટે છોડી દો. સારા ફિનિશિંગ માટે કારને બફિંગ મશીન વડે પોલિશ કરો અને 30 મિનિટમાં તમારી કાર પર ટેફલોન કોટિંગ પૂર્ણ થઈ જશે. જો તમને આ પ્રક્રિયા વિશે વધારે જાણકારી ન હોય, તો પછી ટેફલોન કોટિંગ કોઈ પ્રોફેશનલ દ્વારા પણ કરાવી શકાય છે. આ કોટિંગ ન માત્ર કારને નાના સ્ક્રેચથી બચાવે છે, પરંતુ તેના પર પાણી પણ ટકતું નથી. આવામાં કાર ધોયા બાદ જે પાણીના ધબ્બા રહી જાય છે, તેનાંથી પણ રાહત મળે છે. આ ઉપરાંત કારની ચમક પણ લાંબા સમય સુધી રહે છે અને તેને સાફ કરવી સરળ બની જાય છે. વાહનની સાઈઝનાં આધારે, તમારે ટેફલોન કોટિંગ કરાવવા માટે 5,000 થી 7,000 રૂપિયાનો ખર્ચ કરવો પડી શકે છે.
Teflon Coatingથી થતા નુકસાન
ટેફલોનથી ખાસ કોઈ નુકસાન થતું નથી અને કોઈ શંકા વિના તમે તેને કારમાં લગાવી શકો છો. પરંતુ તમારે જાણવું જોઈએ કે ટેફલોન કોટિંગ એ ડુપોન્ટ કંપનીની રજિસ્ટર્ડ પેટન્ટ છે અને આ પેટન્ટ ભારતમાં શેમર્સ ઈન્ડિયા પાસે છે. આ સિવાય વર્કશોપમાં કારને વેક્સ અને પોલિશ કર્યા બાદ ગ્રાહકને કહેવામાં આવે છે કે તેમાં ટેફલોન કોટિંગ છે જે વાસ્તવમાં ટેફલોન કોટિંગ નથી, અહીં તમારી સાથે છેતરપિંડી થઈ શકે છે. પોલિશ અને વેક્સ કારમાં માત્ર ચમક આપે છે અને તેને સ્ક્રેચથી બચાવતા નથી. મોટાભાગના ગ્રાહકોને તેનો ખ્યાલ નથી હોતો. એટલા માટે અહીં તમારે ખૂબ કાળજી રાખવાની જરૂર છે. ટેફલોન કોટિંગ થયું છે કે નહીં, તે ઘણી રીતે ચકાસી શકાય છે અને ટેફલોન કોટિંગ 260 ડિગ્રી તાપમાનમાં પણ અસરકારક છે.